#改變靠鍛鍊 #堅持是關鍵

相信唔少人都對大肚腩都束手無策，一連5篇我地會提供番唔同方法協助大家去剷平大肚腩！

11. V-ups

V-ups雖然對岩岩接觸健身人士較難掌握，但呢個動作能鍛鍊整塊腹直肌，十分有效。首先搵張軟墊，面向天訓低，雙手向頭頂方向伸直，然後同時升高上背及下肢，雙手盡量向前，腹部收到最緊後還原準備動作。

12.超級食物-牛油果

半個牛油果已經有10G單元不飽和脂肪，單元不飽和脂肪能防止血糖水平大幅升高，防止脂肪積聚係腹部。每日食1/4個牛油果，不但令你的腸道更健康(牛油果纖維較高)，更能令你預防大肚腩。

13.戒酒精

酒精本身提供唔到任何營養素比身體，我地飲酒等於直接將多餘卡路里放入肚，而身體係會好聰明地將多出嘅營養儲存做脂肪提供身體日後所需。同時，肝臟係會優先處理分解酒精，變相加重肝臟負荷，處理脂肪代謝效率就會變差，令身體更易積聚脂肪。

14.低脂牛奶

牛奶入面有優質蛋白質、鈣、維他命D等等，對減脂非常有效。但要注意份量，每日1-2杯就足夠。

15.平板支撐

無做過都一定聽過！平板支撐有效鍛鍊腹部嘅核心肌肉，練好核心肌肉會令到腹部好似比個天然腰封包住，從而減少整個肚腩圍度。

想知更多？記得留意我地Page喇！

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 2,396 個已瀏覽 |

 #改變靠鍛鍊 #堅持是關鍵

相信唔少人都對大肚腩都束手無策，一連5篇我地會提供番唔同方法協助大家去剷平大肚腩！

6. 苦口良食 (每日10G)

可可含量超過70%的黑朱古力含豐富單元不飽和脂肪酸，對燃燒腹部脂肪十分有用。另外，仲含有非常豐富嘅黃酮類物質，有抗氧化作用同防止血小板凝集。食黑朱古力可以延長飽肚感，因此有助于減肥。

7.攝取更多纖維素

每日攝取10G纖維素會令腹部脂肪減少4%。要攝取纖維素嘅方法有好多，亦好容易。例如，2隻蘋果、100G四季豆、一個雅枝竹或200G西蘭花都可以為你提供10G纖維素。

8.腹部練習

Windshield Wipers會令腹部變得緊致結實。

9.將雞蛋變成你嘅零食

食雞蛋係一件成本好低嘅減肥方法，而且雞蛋含有優質蛋白同單元不飽和脂肪酸。對消除腹部脂肪好有幫助

10.減少攝取食鹽

食太多鹽會令體保持太多水分，會令身體顯得臃腫，而且肚腩睇落都會變得好大。所以係減肥期間，儘量少食太咸及加工食品。

想知更多？記得留意我地Page喇！

＊＊＊想了解更多體適能資訊可以Follow我地嘅 Website,FB,IG,Youtube!

體適能運動資訊 個回應 | 1,839 個已瀏覽 |

#改變靠鍛鍊 #堅持是關鍵

相信唔少人都對大肚腩都束手無策，一連5篇我地會提供番唔同方法協助大家去剷平大肚腩！

1.常食西柚

西柚含有嘅酸性成份有助減慢消化速度，令身體延長飽肚感。另外半個西柚所含嘅維他命C已經達到身體每日所需約6成。係減肥餐單中加入西柚呢種水果唔單只對瘦身有幫助，同時可以幫身體吸收足夠嘅維他命C。

2.同朋友一齊操

與其約出黎食餐成千卡路里嘅放題，不如約出黎一齊跑下步、踩下單車、做下GYM，唔單只健康       仲可以係修身路上有一班互相支持嘅戰友。

3.增加腹部訓練的強度

進行腹部訓練時加入橡筋帶、藥球等工具能令腹肌受到比平時更強的刺激，不但可以比到肌肉唔同刺激更能提高修身效果。

4.先飲湯後食飯

餐前飲一碗低熱量湯水可以增加飽肚感，令身體比平時減少2成嘅熱量攝取。

5.訓練計劃加入有氧運動

有氧運動可以有效燃燒脂肪，時間控制係30-45分鐘就足夠，記得幾悶都好千其唔好避開有氧訓練啊！

想知更多？記得留意住我地Page喇！

＊＊＊想了解更多體適能資訊可以Follow我地嘅 Website,FB,IG,Youtube!

體適能營養資訊, 體適能運動資訊 個回應 | 2,668 個已瀏覽 |

#改變靠鍛鍊 #堅持是關鍵

體適能運動資訊 個回應 | 3,264 個已瀏覽 |

#改變靠鍛鍊 #堅持是關鍵

1.    影響身體穩定性
做緊帶氧運動時 (如跑步) 用電話 (如訊息、遊戲) 一定會影響身體穩定性。除非，戴耳機就可以避免聽電話同短訊所帶黎嘅影響。但長時間係訓練時使用電話 (需要彎腰駝背睇電話) 亦有可能會引致脊柱後凸，從而影響身體體態。

2.    意外受傷風險上升
開車時用電話意外風險提高人人都知，而跑步亦然；歸根究底，當大腦同時進行兩項任務時，兩方面嘅表現都會變差。因為，大腦係遊走兩項任務之間，而唔係同時承擔。
因此，係跑步時用電話會不自覺地令跑步姿勢變形 (容易引致骨骼及肌肉受傷) ，仲會分散注意力，客易係跑步機上跌倒及發生碰撞。
而係戶外跑步，根據美國某大學醫學院研究發現，2004~2010美國因戴耳機聽歌而導致受傷人數增加左3倍。

3.     運動強度減低
訓練時用電話，強度難以提高。研究發現，訓練時用電話同訓練強度成反比關係。33名女性係唔知自己跑步實際速度下接受測試，而結果顯示，用電話時訓練嘅跑步速度會比唔用電話時慢左10%。
因為注意力唔集中會大幅影響運動積極性同表現，從而影響運動效果。

4.    休息時間過長
重訓時，組與組之間需要一定嘅休息時間。但係，一旦你玩電話，休息時間會好容易超過理想嘅間隔。除左浪費時間外，休息時間太長亦會減弱訓練效果。休息時間長短好大程度決定左身體對訓練嘅激素反應同健身結果。
唔同嘅健身目標、類型、強度都有唔同嘅休息時間，但為左最大限度睪酮同生長激素分泌，休息時間上限係120秒，而玩電話就會好容易超過時限。

5.    打破心理流暢性
即使訓練期間聽歌可以增加樂趣，但需要回覆工作上訊息就係另一回事。另外，不斷低頭睇電話亦會分散注意力，令實現心理流暢 (指大腦額葉及前額性葉皮層活性) 嘅能力會顯著降低。
心理流暢狀態係運動心理學領域中一個專有名詞，係美國心理學家米哈依·希克然米哈依係1985年提出，又稱巔峰體驗。係指運動員係比賽中處於一種高度忘我、專注，完全投入到所進行嘅活動或任務中而享受到嘅一種特殊狀態。 (俗稱入ZONE)

6.    徹底錯過訓練
好多人堅持唔到運動常見原因 ─ 冇時間。電話使用量大嘅人日程安排會比較緊密，好唔容易擠出少少空閒時間，又會拎起電話睇FB, IG等，不知不覺就會過左2個鐘。

研究顯示，電話使用量大嘅人體適能水平較低，主要表現為最大攝氧量 (有氧健康程度指標) 嘅下降，佢地更有可能會為左玩電話而輕易放棄得來不易嘅訓練機會。

＊＊＊想了解更多體適能資訊可以Follow我地嘅 Website,FB,IG,Youtube!

==================================================

Follow us on  Website, Facebook, Instagram and Youtube!

Website :  http://www.stagefitnesshk.com/

STAGE Fitness Facebook : STAGE Fitness And Health Club

Instagram: STAGE_Fitness

Youtube : STAGE Fitness

Trainers  : Jerry Liu , Rex Ng , Mic Chu , Alex Au Yeung , Chloe Yip

體適能運動資訊 個回應 | 2,042 個已瀏覽 |