2015/03/04

男人的需要(一)《男人需要一套西裝》

20150304_蔣薇MenClub_男人需要一套西裝_3

 

我第一套西裝,在謝師宴前在G2000買的;第二套,大學時期訂造,唔係荷里活貨,不過係兆萬。

如果一個女人因為買到一對高跟鞋而高興,男人亦應該因為買到一套西裝而高興。我認為每個男人需要一套見得人嘅西裝,或者你同我都會有一套西裝喺衣櫥,只差係唔係見得人,現實係,十套西裝九套柒。

賀歲片有套《皇家特工》,裡面Sell英式紳士特務,同時亦完美展示何謂西裝,英國人對西裝有種執著,佢地稱之為正裝,而香港,大部份只能說係Smart Causal。

西裝絕對要度身訂造,一套完美西裝可以將優點放大,而唔適合自己就會曝露缺點,最簡單係膊頭位同腰位,好嘅西裝可以將你兩肩顯得寬敞,亦會將腰部收好,有腰露腰,無腰遮肚腩。

非正式統計中,女性最喜愛嘅男性服裝永遠係西裝,男性雜誌中都係以西裝為絕大部份,如果話西裝代表一個男人,都不足為過。

有朋友問我想買套靚西裝見客,我望一望佢,然後同佢講,比你訂套Armani都唔會有用,原因好簡單,佢寒背。

 

20150304_蔣薇MenClub_男人需要一套西裝_1

 

運動衫賣活力,休閒裝賣舒適,名牌子賣身份,潮服賣個性,咁西裝賣咩?賣你自己嘅氣質。

寒背易改,但氣質難求,有種人穿起西裝你會覺得成熟穩重,發哥就係一個好例子,但同時JB穿起西裝,總係差咁少少野,正如一個MK仔,穿起西裝,只係個西裝MK。

試想想,你Expect一個西裝紳士會有咩談吐?佢地唔會誇張、一言一句都有種無形說服力,語氣起伏之餘唔會太過,一論談吐後你會覺得好舒服,佢地有話題但唔庸俗,說的可以係歷史、經濟、文學,但佢地唔係特別高尚,即使由佢地講漫畫講娛樂,你都會聽出一番另有一套的見解。

西裝的魅力,由內到外,並非有錢就可以買到,因為所謂西裝,包括的還有你自己。

要成為成熟男人前,或者先了解如果去穿著一套西裝,連衣裝都穿不好,已經不用再說內涵。

最後給大家些許的功課,坦白說是低級問題,但要是連這幾條問題也答不好,那就請你惡補一下了。

 

1)什麼是Sometimes, Always, Never?
2)領帶的寬度如何定義?
3)什麼時候要把西裝鈕解開?
4)為什麼不能穿黑色西裝?
5)領帶夾要夾在什麼位置?

20150304_蔣薇MenClub_男人需要一套西裝_2

 

圖片來源:互聯網

 

蔣薇Facebook Fan Page:

www.fb.com/maydreaming

 

COMMENT