2015/04/23

男人的需要(八)《男人最緊要自動波》

 

波2

 

認真,我一直都認為小巴司機支水晶波棍係無得輸,做男人,吊一吊極力子,再推波,感受引擎轉動顫動,簡直是男人的浪漫。
可惜,做男人同揸車唔同,揸車要揸棍波,做男人就要做自動波。

有冇聽過Theory X and Y?無聽過唔緊要,介紹返,中五人力資源管理理論,極度簡單,簡單得有點過份。

八字術數,跟時辰八字地點推出千千萬萬條命;十二星座十二生肖,用年用月去群分十二種人;九型人格,以行為分出九型人;最最最最屈機,Theory X and Y,將人分成兩類,比起呢個世代唔係男,就係女,依家都有中性人、變性人來得屈機,二元分立。

X-Men簡單講,只懂聽命令,照本子辦事的人;Y-Men就完全相反,全自動波。在人力資源角度看,對付X和對付Y要用上兩種不同方法,X應該以嚴格規則減低其消極性,而Y則應給予更大空間自由讓其發揮,此文並非課文,所以跳出框框講講做人應該做X還是Y。

工作中,老闆會比指示你、經理會比壓力你,X是在職場上可以控制,可以衍生出應有的水準,工餘時間生活之中,Touchwood講句,除了老豆老母,邊個得閒管你呢個幾廿歲嘅人?所以在茫茫人海中,X-Men根本無為自己生活打算過,典型平凡香港人,依照工作結婚生仔的人生走下去,不幸嘅係,照本子辦事,跟到都算叻仔,但睇下小學中學大學身邊嘅朋友,老師教授講一句,佢地係唔係能夠100%吸收?由小學一百分滿分,到中學五十分合格,大學水準更是每況愈下,連最簡單人哋講一句,自己做一句嘅要求都未能達成,這就是X型人的缺點。

反觀Y型人,佢哋會主動思考喺人生之中需要做咩,嘗試用自己方法去處理,亦有內在的行動力去完成。數量化去睇件事,X型人100分滿分,佢最頂最頂都係做到100分,而Y型人分數根本無上限。

成功男人中,幾乎全部都係Y型人,有自信、有衝勁、會帶動新思維、會帶領同伴前進、會凝聚群眾,呢種男人味,唔係由外表表現,而係由內在湧出。

得罪講句,男人唔係自動波,無資格叫自己做男人,只可以話係細路。
波3

 

 

圖片來源:互聯網

蔣薇 Facebook Page:

www.fb.com/maydreaming

COMMENT