2015/05/07

男人的需要(十)《不再做兵》 

兵1 
想做兵?好簡單,你只需要根據各大女性網站三日唔埋兩日就會張貼的「十個好老公的條件」「遇上這五種男人就不要放手」「要愛就要愛XX男」,照足裡面咁做就絕對有幸成為一隻兵。
 
當然,喺MenClub嘅文係比兄弟們睇嘅,我就只可以講返個殘酷事實比大家聽,如果你認為做到女人渴望嘅條件就能成為入幕之賓?想錯你個心!
 
老土少少都要講句,壞男人都有市場,咦,睇清楚,唔係「男人唔壞女人唔愛」喎,如果你好學唔學走去學人做壞男人,咁你仆硬街,今日同大家探討嘅,係點解壞男人都會有女人上釣。
 
壞男人,絕對唔係嫖賭飲蕩吹都做齊嗰種。有冇發現,好多時你無微不至、接送周到都討唔到女人歡心,反而一條平時唔多志在,冷冷淡淡嘅仆街仔做少少嘢就令女人神魂顛倒?
 
答案好簡單,因為女人唔鍾意你,你做幾多嘢都係白費心機,你要記住,女人唔會因為你做到晒佢哋要求而同你一齊,女人無時無刻都講Feel,咩叫Feel?我問過超過五十個女性,佢哋都答唔到,唯一一個共通點係──同你講得嘅肯定唔係Feel !
 
所以千祈唔好信你做足女人想要嘅嘢就可以感動到佢哋,你愈做得多,只係愈確立咗你做兵嘅地位,就好似細個踢波咁,你愈係守得多龍,下次就愈有機會做龍,你要做嘅唔係示範自己幾有潛質打龍,而係你天生就係一個前鋒!

 

兵2
 
好多高登仔都會話,有錢仔、靚仔先媾到女,然後就會話這些機會不是屬於我的,其實你出一出街望吓就知高登仔連街都未出過。對於無錢,無樣嘅你,我唔會建議你去整容又或者搵錢,咁同廢話無分別,我教你嘅只有一招──我。
 
我?唔係講緊作者我,而係「你」,人比人,比死人,你同人哋鬥靚仔、鬥有錢,但你明明就係窮撚毒撚,一句講晒,以己之弱攻敵之強,兵家大忌。踢波都有分主場之利,劈酒都有輸家揀枚,所以話,優勢極之重要,你需要認清自己優勢,然後不斷催眠對方,疲勞轟炸敵人,終有一日佢會發現你嘅魅力。
 
我,即係自我,同自我中心係兩回事,有自我嘅人吸引,自我中心嘅人排斥。第一步你必須發掘自我,即係你有咩優勢,搵到嘅恭喜你,你已經成功咗一半,但搵唔到嘅亦唔好灰心,因為優勢呢樣嘢唔係天生就有,天生嘅有兩種,一靚仔、二有錢,其餘嘅優勢絕大部份都需要時間去建立營造,例如事業、人脈、氣質、知識、嗜好等,當你建立出優勢時,對手一上台就失去主動權,只能被動捱打。
 
愛情如是,當佢著眼於你嘅優點,缺點自然被忽略,「男人唔壞女人唔愛」,你估女人真係咁犯賤咩?只係佢愛嘅野,令佢無視呢個男人嘅壞處,旁眼人睇,以為佢就係鍾意壞。
 
兄弟們,發掘自我,小弟包你在情場路上無往而不利。
 
免責聲明:呢招有一個缺點,你只能願者上釣。如果你有目標?對唔住,幫你唔到,因為你已經企咗係人地個擂台上面喇,點打啫?
 
兵3
 
圖片來源:互聯網
 
蔣薇 Facebook Page:
 
www.fb.com/maydreaming

COMMENT