2015/07/24

男人的需要(二十一)《男人需要拋妻棄子》第三回

20150724_ MenClub蔣薇1

 

陽光,是屬於年輕人的,點解?因為打工仔朝九晚八,陽光最燦爛的時候,都坐在辦公室中看著電腦,除了星期六星期日可以享受到一刻悠閒外,陽光幾乎跟自己無緣。
 
聞著植物的香味,在陽光直射下揮發出的草香泥味,是都市人在石屎森林中感受不到的享受,更遑論前面有幾個妙齡美女的身影。
 
「好似有好多年無追過女仔……」阿Kent感嘆地道。
「你轉咗行㩒鐘仔咁耐,又真係好難返轉頭嘅!」大佬發走得身水身汗之餘亦不忘嘲笑阿Kent。
「我結婚生仔之後,都無乜媾女嘅衝動喇……不如唔好搞咁多嘢啦……我已經拋妻棄子嚟宿營,唔想宿完之後妻離子散啊!」阿標憂心地道。
「生人唔生膽!你要做正義撚隨便你!但你唔好阻住我哋兄弟們搵食嘛!」大佬發義正嚴詞的訓斥說。
 
終於穿過幾條小徑,越過一條小溪,來到一列的渡假屋前,幾個女生在一家士多拿了鎖匙便提著大包小包上樓。
 
大佬發賊眉賊眼地等著女生上樓後,便走到士多前喊人。
 
走出來的是一個十一二歲的穿著白色小背心胖胖的小毛孩。
 
「咦,有冇大人喺度啊?」大佬發左右張望找人。
「阿叔,有咩同我講得喇。」小毛孩看著大佬發不善的說。
 
「阿叔?」大佬發臉色一變,手捏住小毛孩的臉蛋說:「叫哥哥啊!」
「哥哥?阿叔就阿叔啦!幾廿歲人唔係蝦細路啊?」小毛孩一手撥開大佬發,不屑的說:「阿叔,有事就講,無事就唔好阻住本少爺打機!」
 
跟著大佬發的阿Kent笑得肚痛說:「阿叔,你算吧啦,唔好蝦細路!」
 
誰知小毛孩一句秒殺了他:「你哋四個都係阿叔,唔好笑嚟笑去喇!」
 
阿標呆了呆說:「家陣啲小朋友咁串嘅……」
當中學教師的阿健卻見怪不怪說:「佢都算厚道㗎喇……我班學生唔用粗口都可以鬧足你半個鐘。」
 
大佬發大受打擊,佢一向都打扮得比較潮流後生,但想不到換來一句阿叔,讓他當機說不出話來。
 
阿Kent說了句成事不足,敗事有餘之後便問那小毛孩說:「我哋想Book間房,你哋仲有冇房啊?」
小毛孩瞧了一瞧說:「有,我哋隔兩條街有一間吉房,帶你哋去望望。」
阿Kent聽到隔兩條街,那他們近水樓臺先得月之計劃便泡湯了,連忙道:「見你哋呢度風景好,又清靜,唔知呢度有冇房呢?例如樓上……」
 
「幾位阿叔,你哋拎住一包二包,唔係入到嚟先搵房嘛?唔好當我細路仔先得㗎,呢度幾條村,每一個稍為有姿色嘅靚女,邊個唔識我發仔先得㗎!你哋行緊過嚟未開口我已經知你哋想點啦!」發仔不屑的看著他們說。
 
阿健看著大佬發,又看了看發仔,才發現兩人也是胖胖的,樣子囂張得來又帶點色色的,說是兩兄弟也有人相信。
 
阿Kent聽到後思前想後,認為發仔是他們行動的關鍵,連忙討好說:「發哥!大家快人快語,我哋想要間房,唔知你可唔可以通融吓幫吓手呢?」
 
「哥前哥後三分險,俾你哋班阿叔叫我發哥,叫到老晒,叫返發仔得喇,好簡單,頭先班美女住2A號房,我2B有間房,本來租咗出去,見你哋呢班咸蟲一把年紀都咁有魄力,收你二千八啦。」發仔淡定的說。
 
「二千八!你唔好去搶,平時公價都係一千二百左右,我去洲際Book一晚都係二千六,你呢間渡假屋唔好去搶!!??」大佬發一聽到錢就回過神來咆哮道。
 
「妹豬!送客!」發仔輕輕一喊,身後立即衝出一道黑暗擋在發仔面前。
 
「嘩屌,佢邊度妹……邊忽豬啊……」幾個大男人嚇了一跳,那道黑影撲出來是一頭比特犬,站起來比跟他們一樣的高,牠張大嘴巴伸著舌頭的模樣,絕對有能力把他們趕走。
 
「二千八……就二千八啦!大家冷靜少少!」阿Kent身為警察也深知自己不一定可以制服面前的狗,更不用說其餘幾人。
 
發仔摸著妹豬的頭說:「妹豬衝出嚟都要辛苦費,齊頭三千啦,我無錢找。」
 
阿標話:「我有散錢唔駛找喎……」
 
「有幾多?」發仔問。
 
「二千八嘛。」阿標答。
 
「咁就收你哋齊頭三千八啦!唔找喇,多出嚟嘅錢你可以喺士多當現金用,一於咁話啦,一係租一係死開,再講多句就四千八!」發仔一身霸氣的說,無視眼前幾個大人。
 
「殺你!」大佬發咬緊牙關說。
 
發仔點好數後,把鎖匙丟了給他說:「2B,有咩需要就打0字服務台搵我啦!」
 
一輪交涉後,他們終於得到了這次近水樓臺的機會。
 
阿標想了想說:「女又未媾到,就俾咗三千八出嚟,仲未計我哋另外book嘅地方……陪你哋癲之餘仲要洗咁多,講明先啊,我唔會share你哋嗰份㗎,係你哋要媾女,唔關我事!」
 
「標,你無聽過咩?三軍未動,糧草先行啊!呢個係好開始,同埋你知唔知古時前線擾亂軍心者,要殺頭㗎!」大佬發將不安壓下,媾女之旅,正式開始!
 
圖片來源:互聯網
 
蔣薇 Facebook Page:
 
www.fb.com/maydreaming

 

COMMENT