2015/11/19

失敗男人系列──《鄭智賴地硬》

鄭1鄭2
 
圖片來源:互聯網

 
點為之成功男人?呢個問題好深奧,甚至講埋比你聽都未必做到,學好三年學壞三日,但望住一個失敗嘅男人,你唔成功都好,都可以避免自己成為一個被男性同胞嗤之以鼻嘅渣滓。
 
輸波唔緊要,輸咗唔好賴地硬先係重點。
 
作為一個失敗者,已經樣衰,基本上無人會可憐一個失敗者,喂,你仲要賴三賴四,想唔笑你都幾難!
 
人生唔同足球,足球都有分主場客場;人生絕大部份時間都係處身於客場,面對逆境,面對不公平,如果連少少困難都跨越唔到,你永遠都晉身唔到一流水平。
 
男人係點?面對強敵,頂硬上;面對場地,頂硬上;面對規則,頂硬上。任何陰謀陽謀都好,係絕對實力面前,都不值一提,輸,只可以怨自己實力唔夠。
 
反觀港隊,對排名係高自己幾十班嘅卡塔爾,落後三球情況下追返兩球;對住馬爾代夫又內亂,係三十幾度天氣之下作賽,都死守一比零;自己出線渺茫,都盡全力爭取最佳成績。點解平時無人理嘅港隊可以取得大眾支持?唔單止係中港矛盾,仲有港隊最近一次又一次真男人嘅言論、行動。
 
如果鄭智講嘅係:「呢兩場港隊都踢得非常出色,中國隊表現未如理想,如果需要進軍世界,先要從呢幾場賽事中吸收教訓,知恥近乎勇,希望可以係餘下賽事中突破自己。」作為敵人嘅我都會敬重返佢係一個人。
 
可惜,狗改不了吃屎,態度決定高度,佢選擇咗一條只能欺騙自己嘅路。
 
男士們,面對挫敗,你可以選擇將佢轉化為成長的養份,亦可以拒絕承認自己不足我行我素。做人做狗?自己識揀。
 
蔣薇
www.fb.com/maydreaming

COMMENT