2015/11/26

失敗男人系列(二)《一朝得志梁烈唯》

唯1

唯2
 
圖片來源:互聯網
 
王晶剋唔剋人憎?G.E.M.係咪犯眾憎?如果比起負評王梁烈唯,都要黯然失色。
 
何謂負評王?即係有關佢嘅事都唔會有人支持,早前佢幫間信用卡公司影咗張硬照廣告,去宣傳一個活動,留意!個活動無佢份,極其量佢只係一個Model,但因為一張相,網民群起「剪咭」!
 
點解佢咁剋人憎,其實有原因。
 
子華話齋,做人無公關,仆硬街,作為一個擦街仔,佢絕對勝任,對上位者獻媚佢無所不用其極,正所謂若要人不知,唔好太低B,其實擦鞋都可以偷偷地、低調地、含蓄地進行,偏偏佢就要話俾全世界聽,佢係一個擦鞋仔,仲大大聲同你講:「OK我今日話你知我係擦鞋啊!你吹啊?你咁叻你擦俾我睇吓?(真實對白)」
 
OMFG!點解你要放棄治療?呢種說話佢可以面不紅、耳不赤地講都算喇!你知唔知問題係咩?問題係佢覺得無問題啊!
 
呢一點,某程度我覺得佢好有勇氣,可能今時今日香港,擦得一手好鞋,算得一手術數,厚得一層臉皮係快速成功之路,但係靚女要痾屎都好,都會係廁所入面痾啦!佢呢一句,個震撼程度就好似一個靚女喺大街同你講:「喂喂喂,各位街坊,其實靚女都會痾屎!唔信我依家就除褲痾俾你睇!」見到呢個情況,三個字:痴撚線。
 
成功男人,工作時高調,私生活低調;
失敗男人,工作時低調,私生活高調。
 
人生總會受到旁人妒忌、質疑,先唔講旁人講嘅係唔係事實,成功男人只會用佢嘅工作成果去令人信服,而唔會同旁人辯論,因為呢種辯論無結果,只係浪費時間,當男人去到Club 30時,時間無多,你會花時間係事業上更進一步,定浪費所餘無幾的光陰係爭執之上?
 
可惜,大支野唯唯以為自己係人生贏家,大條道理訓示一條明路教精大家,雖然講唔出咩大道理,但亦相當令人作嘔。
 
男士們,知得愈多,就知道自己知得愈少,愈有成績就更應謙遜,千其唔好一朝得志,語無倫次。
 
蔣薇
www.fb.com/maydreaming

COMMENT