2015/12/11

失敗男人系列(四)不進反退黃家強

1

2
 
圖片來源:互聯網
 

戴返個頭盔先,出文講家強唔係佢同英哥自拍或者政治問題,因為呢幾點無助大家反思男人之路,今次講嘅係家強佢退後的問題。
 
我仲讀緊小學時,Beyond已經成名,家強無家駒咁出名,但亦名滿天下;今日我哋由學生變成上班族,或者人哋老豆老母,家強佢有更上一層樓嗎?無。認真講,佢當年隻隻燴灸人口嘅經典之後,出過歌,但已經無咗昔日的輝煌,甚至叫你講佢最新個首派台歌,你都講唔出。
 
創業難,守業更難,成就大業難上加難。
 
三十歲左右,你可能創出一番成就,不憂柴憂米,但跑道上不止你一個參賽者,有時望見同期師兄弟比自己有更高成就,比自己活得更好,必定心有不甘。
 
每件事也會有樽頸,同一套打天下,只是愚蠢的人自以為簡單的路。
 
家強講咗句:如果自己唔係Beyond,可能活得更好。
 
你可以笑佢食咗咁多年老本,今時今日講呢啲?但置身處地去睇,的確,Beyond捧起佢,亦令佢跌得太重。沒有Beyond後,佢只靠自己,過的是新生活,一切重新來過,佢想走新路,Fans未必Buy,佢行返舊路,Fans亦覺得味道變了。浮浮沉沉,唯一必勝的,是出Beyond N年的經典碟,開Beyond N周年演唱會。
 
像毒品一樣,你愈是依靠這一套,便愈離不開這一套。
 
二十歲我們拼搏,打出一條新道路;
三十歲我們突破,努力更上一層樓;
四十歲我們拓展,推向其他新天地;
五十歲我們創新,無負擔下試更多;
六十歲我們回首,一生從未曾停過。
 
男人,以從未放棄改變為傲,憑那一顆仍未老的心。
 
Beyond的意義,便是超越。
 
蔣薇
www.fb.com/maydreaming

COMMENT