2016/01/29

《人奶驚魂》

2
 
3
 
圖片來源:互聯網
 
作為一個男人,對乳房有種迷戀,對人奶有種憧憬,可以話係嬰孩時代根深蒂固埋藏嘅潛意識。根據非正式調查,十個男人,喺自己老婆有咗之後,唯一一件唔會煩惱,仲有少少興奮嘅事係,有機會再嚐人奶,而呢篇文,亦係真人真事,比大家引以為鑑。
 
朋友化名阿Bill,佢老婆剛剛生咗,作為把口唔收嘅損友,唔係關心佢個B係仔定女,而係:「喂,你有冇試過人奶?」當你對日本文化有返咁上下認識,電腦入面嘅Japanese Discovery Channel Folder一定會有收藏到關於哺育嬰兒嘅資訊,就嚟做爸爸,當然要做吓功課。
 
「未喎……老婆剛剛先生完……比個仔食先啦。」
「一個女人兩隻奶,你一邊,你個仔一邊,上陣不離父子兵啦!」
「哈哈哈,我怕到時你個仔唔夠食咋!」
 
如果你係有經驗人士,肯定笑而不語。
 
衰嘢唔講得太耐,大家都係茶餘飯後笑吓就算,話題終於不了了之,唔通我哋真係日日關注佢飲咗奶未咩?
 
喺一個寧靜嘅晚上,損友們的WhatsApp群中傳來阿Bill嘅訊息:「人奶你有冇試過?我有,我真係有!」
 
咁爆嘅Msg當然引起大家討論啦。
 
「至叻係你啦!」「老婆生完仔之後一日生活點過?早餐有人奶,午餐有乳酪,夜晚仲可以沖涼添!」「人奶呢D Organic嘢慢慢享受!」
 
喺大家自High嘅時候,阿Bill佢Send咗一句:「不可一,不可再!」嘩你咁講,即係同毒品一樣級數喇喎,有冇咁誇啊!
 
「是咁的,女人生完之後會漲奶,我個B好細食,咁食唔晒唔可以留隔夜奶嘛,市面上有款機可以幫人吸走D隔夜奶,點知部機尋日就壞咗,作為一個負責任嘅老公,當然第一時間狗衝去為老婆服務啦!當我用嘴唇好溫柔咁將佢包圍,用舌頭輕輕品嚐,再用口腔吸啜出乳汁時……屌你老母,好撚酥啊!我第一時間,係第一時間就吐咗落地下,有種過期芝士嘅味道,差少少我就嘔埋出嚟!我老婆啤咗我一眼,然後話:頭先你唔係好勇好興奮咁咩?我唔理你,你唔幫我啜晒出嚟唔好瞓。最後我好似特首講,一吸一吐,好似吸蛇毒咁啜晒出嚟,以為完事嗰陣,我老婆話,有兩邊啊!我終於知道日本片,演技唔單止係女優勁,男優個享受樣,呃得我透!喂,頭先邊位巴打話Organic啊,又乳酪又沖涼咁嘅?我私人醒兩支新鮮嘅比你哋嘆,仲暖㗎!」
 
「呢啲健康野,留比你個仔啦!」
「阿嫂私房菜,小弟唔夠膽試……」
「我全家都好幸福,客氣喇!」
「等陣我就Delete晒我電腦入面嘅人奶片!」
「阿Bill,你個仔出世都未送禮比你添,送部吸奶機俾你啦!」
 
男人愈大,就愈無性幻想,唔係唔識,而係當你乜都試過時,的確無乜幻想,同麥記個包一樣,睇相睇片永遠正過實際食嗰陣。
 
蔣薇
www.fb.com/maydreaming

COMMENT