2018/11/09

《任何仁與AV仁》

download
 
網上資料圖片
 
任何仁今個星期搶盡各大版面,被喻為最成功嘅政府推廣,喺一套藍色緊身衣下藏住咩人我唔知,但作為男人,以及一眾巴打,肯定有一種莫名嘅熟悉感,來自一個透明人間嘅回憶。
 
唔好話我淨係識諗邪嘢,只係我將最邪嘅部份拎出嚟大家參詳吓,廣告分析、品牌經營、文化劊意我就留返俾專家門講喇。
 
正所謂最鋒利嘅刀都會有生鏽嘅一日,再好睇嘅女優,你睇得多都會厭,性愛不外乎最基本幾個動作,俾你玩盡一百八十四手又如何,咪又係啪啪啪啪啪,好處係唔同女優你會有新鮮感,但當你睇得多,咪又係會悶。
 
所以,劇情系列就解決到成個問題,由場景,例如「那個泳池」、地鐵、公司、學校、圖書館等;再接下去就係角色,老師、學生、護士、特務、單車手等;情節類,上下格床、女友閨蜜、收數、同學會等……
 
但日本人對於情色嘅掌握同想像力,真係唔到你唔服,透明人間,呢個概念真係邊有人諗到,好似當年有個笑話,閃電俠有日見到神奇女俠係度自摸,佢用超快速度完事之後,有人遇到隱形俠,隱形俠話有日佢同神奇女俠啪緊嗰陣突然後欄劇痛……
 
透明人有邊個唔想做?One Piece入面山治夢想就係食到透明果實,但問題係呢個透明概念點樣可以喺電影上面呈現,而日本導演就以一身白色緊身衣嘅男優,配上見到都扮睇唔到嘅女優,將件事好詭異地拍出嚟。
 
更有唔少同類奇幻系列,好似催眠大師、時間暫停等等,將任何男人嘅幻想變成畫面,再掉落紙巾之上。
 
任何仁爆紅,唔知可唔可以反攻日本,將白色透明人間變成藍色任何人系列我唔知,但我都幾肯定創造任何仁嘅仁兄,一定睇過透明人間,佢哋嘅【任何仁の日常】中間嘅の,成為男人之間一種默契,配合起真人版任何仁嘅肚腩,更有親切感。
 
尋晚特登開返一套透明人間睇,一路睇,我一路諗起句solgan,任何人都可以係任何仁!!!
 
蔣薇
www.fb.com/maydreaming

COMMENT