2019/04/04

《玩EASY MODE?佢仲係唔係男人嚟?》

2019_04_05_may menclub_玩EASY MODE
 
網上資料圖片
 
最近好紅嘅《隻狼》出咗一單新聞,有班人話好難唔係人玩,然後網上出現咗一段由殘障人士都打得贏嘅片,一把一把打落去呢班廢柴度,唔好意思,我真係要用廢柴去形容呢班人!
 
打機,大家都有唔同嘅取向,你諗住輕鬆吓,其實大把選擇,市面上一大堆弱智都玩到嘅遊戲,佢哋有自動尋路,自動打怪,自動掛機,自動得到神裝,一刀兩刀滿地寶物,喂,大家遊戲廣告都係用呢個做賣點,我從來都唔會玩呢種遊戲,因為我覺得係侮辱緊一個真係打機嘅人。
 
最初嘅遊戲,係以挑戰為主,因為係街機,愈難你就愈要俾錢,好似食鬼同埋太空守護者咁,你會打到想死,但你打打吓不自覺就會進步,你反應會愈來愈快,你亦學識等待機會,減少錯誤。
 
唔知幾時開始,遊戲界由一班低技術,高課金,paid to win嘅遊戲做主導,用錢去贏,其實唔難,你有錢就可以虐殺對手,每一關都係專屬嘅課金武器幫你兩刀一件,喺遊戲入面嘅清泉愈來愈少,一成不變抽咭,vip,界限突破,商城道具等等,呢類遊戲,換湯不換藥,只係數值上面變,你攻擊,九位數字傷害,boss亦有近百億生命值,而佢亦係一刀劈,大家你一刀我一劍,不停aaaaaa。
 
咁真係打機咩?打機追求通關,愈難,你通關就愈有滿足感,解到一條世紀方程式係一種成就,但偏偏好多人喜歡不斷計1+1=2,連續一萬次,答案係222222,嘩,真係好好玩啊!
 
Ok fine,打機係一種取態,你要計1+1=2無問題,但你話一種遊戲難玩,加個easy mode落去的話,即係弱化一個充滿生命同形象嘅boss,叫一班玩hard mode既人情何以堪?
 
面對困難,你可以放棄,但你唔可以話太難而降低難度,你連用少少腦、練多幾次嘅心都無,不如返去玩返無雙easy mode,猩猩都過到關啊!
 
喺我眼中,呢班人同一班拎住萬幾蚊綜援仲要話好命苦嘅蝗蟲無分別,有人自力更新面對挑戰,有人自甘墮落成為廢柴。
 
玩easy mode,贏咗又點?你嘅人生,已經輸咗。
 
蔣薇
www.fb.com/maydreaming

COMMENT