2019/06/22

《天哥的談判技巧》

a3961135-05c5-491c-96e6-555cef8b27b7
 
網上資料圖片
 
談判,係一種藝術,你有訴求,佢有限制,大家傾,但有一種談判對手,叫臭雞,有睇大丈夫你就知。
 
明明你係客,俾錢佢服務你,但對方竟然獅子開大口,三千?ok fine,出嚟玩,求開心,錢事少,最緊要玩得開心,叫得少仲怕你cheap;涼要自己沖,唔用口,齋做唔叫,全身唔準摸!打劫啊!喂,講吓笑姐,搞野咪搞野囉,摸乜鬼野姐,我地玩百家樂都係想贏錢唔會同人爭摸牌,不過傾咗咁耐,完事叫聲Honey得嘛?ok!唔摸唔叫!
 
辛苦晒啊天哥,雖然我唔知你爭取咗乜,但我覺得你好勁!
 
作為客,點解要低聲下氣求人?一講就唔得,一唔得就退讓!一讓就讓晒,傾都無得傾!
 
無它,因為佢打份工,出糧嘅係佢老細,有底薪,雖然錢係你度收,但你係一個麻煩客,最好唔好幫襯添,依家要開工,係唔高興,無服務啊!
 
有冇留意,年紀大就會學識退讓,年紀細仲會有原則,但年月會令你變得妥協。
 
今時今日,大家都知有好多嘢係門面功夫,大家交完戲就完事,我爭取一下,聲勢浩大,然後不了了之,旁眼人睇,真係唔知你爭取到乜,但你又好似做咗好多嘢。
 
天哥談判,從來無諗住要堅持,因為過程重要,我做完要做嘅事就算,最緊要落到台,完事之後回返平靜,當跌錢囉。
 
阿祥同阿嬌就係啦啦隊,交比天哥談判,大家企出嚟支持吓,和理非非,最後握個手,掌聲鼓勵。
 
面對臭雞,鷲哥就識玩好多,因為佢知道自己要乜,亦知道自己先係老闆,唔幫襯邊有糧出啊,我唔理,我就係要咁。
 
每個人都可以選擇自己嘅路,談判係痛苦,因為你需要付出時間心機,仲有可能要承受惡果,妥協係最輕鬆嘅選擇,但久而久之,你嘅退路就愈來愈少,就好似有人選擇做爛市一樣,仲要其他行家承受惡果。
 
以前會覺得天哥好型,盡咗力又好有場面感,但依家睇返就覺得,連自己性福都爭取唔到,就算出到街都唔會開心。
 
蔣薇
www.fb.com/maydreaming
IG:maydreaming1123

COMMENT