2020/01/02

《讓男人變好的方法》

becoming-a-better-man-696x464
 
網上資料圖片
 
女性論壇經常有人埋怨自己男朋友或者老公幾唔好幾差勁,然後一班女人就會左一句分手啦,右一句你值得更好嘅說話叫佢哋分手,但男人好簡單,變好變壞好睇伴侶係點。
 
屌,係絕大部份女人會用嘅方法,喂,你唔好成日打機啦;喂,你發憤做吓嘢好唔好;喂,你睇吓人哋男朋友幾好幾好;喂,你知唔知我以前男友會點點點。
 
有冇聽過育兒專家教仔,其實男人好似小朋友,你要嘅就好似教仔咁教佢哋,但絕大部份父母都唔識,只會埋怨自己個仔女係點,呢樣唔得,嗰樣“打咩”,咁教仔真係落後咗幾個世紀。
 
其實男人需要同小朋友一樣,讚啦,氹啦!
 
你想佢煮飯比你食,只需要讚佢煮得好食,講好想食佢煮嘅嘢就得;
你想佢勤力,只需要誇獎佢做得好,佢就會搏命去做好件事;
你想佢溫柔,只需要你站喺佢身邊理解佢,佢一定會雙倍回報;
你想佢忠誠,只需要給予佢無限信任,佢唔會辜負你嘅信任。
 
比起屌,讚嘅力量係無限大,唔知幾時開始,兩性關係只係互相指責,你怨佢揾得錢少,佢就會睇返你搵幾多;你覺得佢對你唔好,佢又會計算返你對佢有幾好,當指責成為常態,就會開始為屌而屌,明明佢做得唔錯,但一句之後又會再鬧過,最後不歡而散。
 
嬲嘅人可以做到乜,就係將負面變大,將感情消耗,直到兩個人唔再愛對方,然後分開,求仁得仁。
 
女人會諗,喂,你咁大個男人,點解仲要好似小朋友咁氹,你仲係唔係男人啊?
 
錯錯錯,因為佢相信你,先會對你表現出最軟弱一面,因為你係佢下半生之中,唯一一個可以推心至腹,無比信任嘅避風港,如果連一個避風港都波濤洶湧,仲點叫佢安心去做好自己呢?
 
又有人會講,我曾經無比相信同無比愛一個男人,但最後得到嘅係傷害,咁係因為呢個男人唔係愛你嘅人,你將上一個錯誤去令依家愛你嘅人承受傷害,又點會長久。
 
醒一醒,有乜人會俾你屌完仲會更好,有,你係客,有俾錢,佢睇錢份上一定會吞聲忍氣,轉個角度睇,有邊個會願意貼錢買難受?有,因為佢愛你,但呢種愛唔係無代價,代價就係用愛去付款,當愛清空,就係關係結束之
 
蔣薇
www.fb.com/maydreaming
IG:maydreaming1123

COMMENT