隨住年紀、年資增長，相信睇緊呢篇文嘅你有可能已經係公司嘅中層甚至管理層，要帶領班年輕嘅下屬工作。咁做得上司，大概都唔希望自己被下屬討厭，問題係依家班「Z世代」究竟鍾意點樣嘅上司？又討厭點樣上司嘅邊啲行為？以下嘅一個日本職場調查，就或者可以為大家提供一啲想法啦。

卻說開發大學生日行程管理App嘅「Penmark」，早前搵黎176名於1996至2005年出世嘅Z世代，選出佢哋「最唔想為佢工作嘅上司特質」，。結果就發現有超過六成Z世代唔鍾意上司「高壓、威壓嘅態度」，另外亦有54%Z世代唔鍾意上司有「大量情緒化嘅發言」。而其餘登上十大嘅討厭特質就有「指示不清或矛盾」、「偏心」、「推卸責任」、「忽視下屬嘅建議」、「沒有建設性嘅批評」、「不遵守諾言」、「遇事不理」以及「過度干涉下屬私生活」。

圖片：Penmark (https://corp.penmark.jp/news/20250619)

由此可見，Z世代希望上司係一個公正公平、有工作能力、有責任感而對待下屬較為平等嘅上司。調查分析指出，Z世代之所以重視呢啲特質，係因為佢哋重視職場嘅心理安全感，同時亦希望職場嘅氣氛較為開明，容許佢哋提出創新、提升生產力嘅意見。而討厭「指示不清或矛盾」就係因為Z世代非常著重「時間效率」，假若上司指示不清就即係浪費下屬時間，同時亦會令佢哋對上司嘅能力產生質疑。

如果你都有Z世代嘅下屬的話，或者都審視下自己係咪一個好上司啦。

資料來源：Penmark