• Profile
    觸地市場
    呔鈴痴漢,十多年前創立鈴師傅的細榮,從無改變一心一意整靚部車,所以唔多識「整車」
  • Archives
  • Categories
2018/10/26

倒楣的一天

平時杜生都好醒瞓,今朝竟然聽唔到鬧鐘聲,要比隻老虎拍醒,成個人懞懞鬆鬆咁。出門口㩒電梯等左好耐,抬頭望清楚先發覺原來今日維修,內心妖左自己一野!開車行到龍翔道,比正常塞車,已經覺得點解咁黑仔喇,行行下車,唔知點解架車好搶軚,成架車偏向左,嚇得杜生立刻打死火燈停車,原來爆呔,扁左!呢刻佢重以為應該好小事啫,破財消災囉,call 拖車去呔舖補番ok 啦⋯⋯

登燈瞪戥…… 當呔舖d師傅順便幫佢睇埋另外3條呔之後,師傅竟然宣布全部3條呔都「生仔」或者見綱線!全部要換!呢鑊黑仔嘅究竟係杜生定佢架車呢?

如果問我,我會話一半一半,「生仔」嘅嘢,邊有咁多意外吖,唔小心囉。平日泊車鍾意擒半邊車身上壆,揸車過壆過氹都唔收油,呢d行為好易引致「生仔」架,加上杜生應該平日都唔多望下4條呔,所以可能開車前爆左嗰條呔,跟本已經插左釘漏緊氣扁扁地,平日又冇比人檢查下d呔,行到一早蝕到過哂安全線,什至見鋼絲都不知道。

其實做人真係黑到爆的機會有幾多?定有d嘢真係平日hea 左,老馮左,懶理左,問題就係自己唔為意的時候來突襲呢?我唔敢講自己做得幾足,我都試過電池冇電死火,爆呔,但架車有咩狀況都好,錢解決到的,都不要放在心,最重要沒有引致意外,每日路路平安。

 

拗鈴 (2)

COMMENT