• Profile
    觸地市場
    呔鈴痴漢,十多年前創立鈴師傅的細榮,從無改變一心一意整靚部車,所以唔多識「整車」
  • Archives
  • Categories
2018/10/27

啱襯之外要舒服囉

有冇試過追到條女,人人都話你地好襯:外型相似,學歷相近,連脾性都差不多;但拍左一排,就硬係有d唔知點,唔係好舒服咁⋯⋯

舒服真係好微妙的感覺,你同我如果一樣對住個鍾意打掃執拾的女仔,你可能會覺得正呀喂,而我反而覺得佢執野執到我連花生都唔好意思剝,間屋咁整齊成個示範單位咁,家唔似家囉!

女,正常人都係自己揀的,可以揀到舒服為止,但車的改裝部件,好多時客人都會問我意見,呢個就係我最享受的一刻了,我可以當正部車係我自己的,盡情發揮,想點襯就點櫬,搞得佢靚靚仔仔!

不過,去到仔細的呔鈴size 的setting 的時候,當然要就番車主的習慣,有d車主唔怕「戥」,超鍾意同路面互動,有d車主想要的舒服,原來即係要靜⋯⋯試過有客人出新車,用來車老媽子出入,諗住條呔盡量厚就啱喇 ,自己改215-60-17,點知老媽子坐到暈車浪,來到幫佢改番 225-55-17,即刻又定又唔戥,老媽子舒服番哂。

所以呢setting 嘅嘢,不能一味跟人地,人地啱你未必啱,如果你有咩「唔舒服」的問題,都係最好同你信任的師傅溝通下,等佢真正幫到你配搭適合你的setting 。

題外話,215-60-17 中間的60,是代表60%,不是60mm,所以 改左 225-55-17之後,總直徑是少了10.5mm, 不是10mm。而如果要再闊d 235mm的話,就要用 235-50-17 ,如果235-55-17就沒有薄到,一樣咁暈車浪了。

相片 23-10-2018 16 22 55

COMMENT