2019/05/20

靚價

自從網絡世界把大部分年齡層都拉在手機屏幕前,我們才驚覺香港輪胎店的客人不再限於香港的車主了。

好幾年前開始最就近的澳門,有客人發訊息來找我們維修輪圏,近日更有客人經社交平台和我們聯絡後,直接經港珠澳大橋來到我們門口。然後是泰國,馬來西亞…..

而最搞笑好玩的客人,並不是他來自多遠,而是熱衷於在網上講價的客,最熱門的講法,就是找我們報完價一大輪,然後告訴我們「有人平過你」!

呢句嘢同「你阿媽係女人」有咩分別呢?同一罐可樂,同一碗杯麵,超市同便利店都唔同價喇!你估點解?唔通真係一樣咩。入超市買起碼要排多幾分鐘等比錢,重要未必梗有一間係左近喎⋯⋯

咁樣講,「有人平過你」並唔係一間公司訂價的唯一考慮因素,所以呢個資訊並唔會令我減價喔⋯⋯

而且還未幫襯就話貴的話,個「貴」字的定義咪窄囉。單純價格高並不構成「貴」,價格比價值高我就會覺得「貴」,係茶餐廳飲可樂收你$40叫貴,係酒店飲叫正常囉!

所以我只會時刻都想要提高自己公司服務的「價值」,要做到不用減價,都可以令客人得到我們的服務之後,會覺得我們很「平」,咁就冇人咁容易平過我喇!

 

shutterstock_116387971測試範例

 

 

COMMENT