2013/04/19
蔣薇R.I.P.
蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街，蔣薇係仆街， 。 為左吸引蔣薇既另類fans既like，我希望我呢個開筆會有效。如果同意我之前果35句蔣薇係仆街既朋友，放低大家既like同share完就可以唔使再睇架喇，多謝哂。
.
前晚應約出席風老總既飯局，小弟同蔣薇都有幸成為座上客，席間同蔣大講起佢當日一篇文章，我同庸材兄都覺得寫得唔錯，即場用手指公俾左個like佢之後，蔣大俾我地既反應係有丁點悶悶不樂。 「成兩萬個like，你支持者好多。」庸材兄邊食甜品邊講 「係喎。」我附和 「但都有人鬧呢。」蔣大欲言又止，最後我自己親身走入蔣大果篇文章從頭再睇一次，包括所有留言。 呢種感覺我冇幾耐之前都試過，浸大贊助一事小弟都為浸大學生講過兩句我自己認為係持平同中立既說話，但最後換嚟既係一個踢波既朝早入面收到兩百幾個人既批評。
.
人非草木，我心情的確有低落過。低落並唔係嚟自單純既批評，而係一啲根本冇細味當中意思既發條式發洩。 蔣大既文章我反覆睇過幾次，其實本身文章入面既意思就已經好清楚，佢甚至用自己本身同朋友之間既事去帶出一個訊息俾大家知。 愛要及時，表達亦都需要及時，如果大家對Sita係有愛，咁同時亦都希望大家對其他依然可以愛既人表達更多既愛，就此而已，起碼呢個係我睇完幾次之後了解到既原意。 其實寫作同表達都係我地既興趣同副業，我地都深信天生我材，我屋企電器要修理我會搵電器師傅，又或者係病左既時候我地會搵醫生，社會上每個人都應該有佢既崗位同專長，無分高低。所以希望可以為大家捧上一碗心靈雞湯係我地寫作人既目標，但我地同時知道，批評係必須存在而又必須接受。
.
但每次見到某一類鬧緊根本唔係我原意既朋友，我會好糾結，好想PM佢問下到底我篇文係唔係真係咁難明，如果係，我願意坐車到府上親身解釋一次。 呢接近半年嚟，寫故仔、出書、見某部份讀者、認識行內人到見到商務兵器榜上面第一位唔再係小李老母飛刀而係自己個名，每一樣都好開心，但最開心既係二月有一位讀者，因為爸爸過身，佢PM我將佢既心情同情況都講哂出嚟，最後我俾左一個我從事殯儀行業朋友既電話同一堆文字上既意見同祝福俾佢。 我好開心係有人願意信任我，再將佢既處境同心情講出嚟同我分享，我覺得呢碗唔太入味既心靈雞湯終於有朋友欣賞。
.
當然，睇完呢篇文可能又會有人鬧「賤人薜可正連人地爸爸過身都話開心」。 理唔到咁多了，希望寫作既朋友大家都要堅持，有朋友會明白我地。 最後多謝蔣大幫我整既呢張圖，由你整，特別有feel。
.
COMMENT