男人的Fantasy (四) 齊人之「福」
我叫志豪，今年三十二歲。
幾天前，跟老死們把酒一晚，男人話題總離不開那幾個大範疇，都是女人、賭錢跟車。車我不太會，拿了車牌後一大段日子都不太習慣開車；賭錢我也不太熟悉，我當然有試過，但感覺總是在狀態之外，不能享受其中。
唯獨女人這事，要我們男人窮一輩子去思考。
朋友阿良說，最近走到網上認識了另外一個女孩，現正沐浴那條人見人愛的劈腿河之中。
「一拖二，你小心喎。」兄弟阿文說。
「怕咩？佢地一個住屯門，一個住香港仔，絕對冇可能撞到。」阿良得意洋洋的說。
「你好似向左走向右走得好開心。」我拿起酒杯，徐徐的說。
「你個死仔，唔怪得早兩個星期冇返幾日工。」另一個朋友阿俊搭訕，他跟阿良是同一間公司，聽說還是他介紹阿良進去的，不難想到阿良的「病假」有為他添了幾分麻煩。
「咁新個女朋友話要去迪士尼嘛。」阿良繼續不知悔改。
「好心你唔好咁冇用啦。」我突入，不留情面的說。
氣氛好像有點僵住，我又繼續的說：「你三十幾歲人，仲覺得拖住兩個女朋友係好威事？」
「咁佢又唔係咁意思。」阿文打圓場的說。
「唔好幫佢兜，上個星期約飲，阿文你同阿良都冇，得我同阿俊。阿俊呻到樹葉都落，又話公司好多人士問題，又話可能位都坐唔暖，我問佢咩事，佢又唔肯講。」
「阿俊，公司咩事？」阿良這時追問
「冇……」阿俊依舊是一貫為朋友不說半句壞話的模樣，但表情來看，誰都知道阿良的曠工有為他帶來煩惱。
「佢咁樣咪即係你唔返工有影響到佢囉，你咁大個人都唔識諗下，剩係識搞埋哂兒女私情，樓又冇車又斷供，你係咪想咁樣就過一世呀？」我拉高聲線繼續的說，他們三人再也不敢搭半句咀。
說完，我便走了。
我一個人離開酒吧，漫無目的在街上蹓躂。我不是想把這一個星期一次的兄弟酒局掃興收場，而是真的不想阿良再這樣重蹈覆轍下去，趁現在還有個機會改過，好好的努力工作不是個好事嘛？
所有人都想見一個愛一個，當中包括大部份男人。貪新忘舊的想法我很清楚，但我不認為這世上所有事情都適當套上這一個想法。衣服可以、車子大屋手錶統統都可以，因為這些東西都不會跟你終老，亦從來沒有跟你們有什麼連繫。
愛情是一個信仰，是我們生命中賴以生存的其中一個寄託，一段好的愛情可以衍生出無限美好的東西。一個幸福的根源可以令一個人重生，不過根源這事兒，永遠都是一個就夠。
多過一個，那便不是根源。
想著，突然我的電話響起…
「喂。」
「唐志豪，你今日又話上律師樓簽埋份？」
「我………我可唔可以唔簽？妳可唔可以俾多次機會我？」
「唔可以！由你出去搵另一個女人開始，你就冇再俾機會自己。我唔該你呢兩日快去簽埋佢，如果唔係我就告你通姦，再見！」
我拿著一個已經再沒回覆的電話，非常後悔。
阿良，不要步我後塵。
薛可正Facebook Fanpage
http://www.facebook.com/sithoching