男人的Fantasy(八) 男人那話兒
圖片來源: 互聯網
我 WhatsApp入面有一個朋友Group，入面大部份都係由細識到大嘅朋友。佢地好多個都
寫字樓返工，所以自由工作時間嘅我，成日一起身拎起電話睇，都會遇到兩件事：
電話冇晒電，仲有千幾個訊息。
我地關係太熟，已經去到咩都講嘅地步，踢波、睇波、打機、股票、音樂、政治。總之開始步入中年嘅男人會講嘅嘢我地都會講，當然，唔會少得以下呢一樣…
華：「我去完旅行，發現咗隻避孕套，可以瘋狂進行45分鐘都得。」
文：「你吹大啲，45分鐘。」
強：「45 ﹝後面係三個emoji笑到喊icon﹞」
華：「唔信自己試下。」
日：「4,5mins」
我：「個袋係咪有胡椒噴霧？」
軒：「笑到GapGap聲。」
華：「我嘅新恩物。」
我：「我叫咗你做嗰時諗啲慘啲嘅事。」
華：「我有，我已經成日諗住雲加。」
我：「下次試下諗股災。」
男人其實都會成日講呢啲問題，只不過我地好少好似女人咁搵埋自己個老公出嚟比較。呢方面，男人點都會有啲操守。
力：「45分鐘真係可以睇晒成套AV。」
華：「試完你地一定會偷偷地同我開Group分享。」
型：「開Page。」
華send咗一張相喺group，係隻避孕套嘅價錢。
華：「嘩，原來咁貴，我都係買其他牌子拎咗個試用裝先試到。」
我：「真係可以45分鐘嘅，後面加多個零都冇問題。」
熊：「得閒冇嘢做就打多啲飛機，包你玩到天光。」
聰：「係咪用咗冇晒知覺嗰隻？我之前買過，用咗一個就冇用，大佬完全冇晒知覺，我幾驚以後都係咁。」
華：「呢隻唔會，試吓。」
軒：「我仲以為你老婆送俾你，哈哈。」
型：「不如你試下用持久裝，hurt so bad﹝後面又係三個emoji笑到喊icon﹞。」
「哈哈哈哈哈哈哈哈哈。」成班一陣訕笑。
華：「屌，同你地分享又笑我，下次有好嘢唔益你地。」
傾吓傾吓，本來十二點幾起身嘅我，又喺床度傾到成點鐘先起身。但經過呢朝早嘅對話洗禮之後，今日嘅心情又好似特別好咁。我覺得，如果冇呢啲新科技，我地一班朋友都未必可以得閒傾下呢啲，咁無聊但又確實需要搵人傾訴嘅話題，唔通真係落到球場將呢啲事拎出嚟高談闊論咩？
科技嘅嘢，新有新嘅好；舊都有舊嘅價值，真係睇下大家點用。好嘞唔講住，我又同班老死玩下WhatsApp先。
薛可正Facebook Fan Page
http://www.facebook.com/sithoching