男人的Fantasy (十) 老婆奴
「怕老婆會發達」，呢句說話聽咁多年，其實係男人自己都知，只不過係一句用安慰自己廢話。
就算唔會發達，好多男人都會怕老婆；就算窮一世，呢堆男人都唔會敢逆老婆意。
我識好多朋友，平時同老婆行出街時一個樣，返到屋企就係另一個樣。表面上就係月入幾萬中產人士，其實個個月份糧一出就撥入老婆手度，一個月可能得三幾千蚊使。
「喂，文仔，PS4出GTA呀，成班都買晒係爭你未買，快買一齊上網玩啦。」
「唔得呀，冇錢。」
「你搵三皮幾一個月，話俾我知冇錢買隻Game？」
「唔係冇錢，係月頭俾晒老婆。」
「咪問佢拎囉，唔使我教呀吓？」
「費事啦，我上個月先買幾件波衫咋。」
「喂大佬呀，大人大姐而家買小小玩具俾自己都要配給？北韓呀而家？」
「第時結婚你就知喇。」
上面呢類咁例子，睇落好似好荒謬，但其實一街都係。所以你話，呢個世代做男人幾大壓力，錢又一個崩都唔可以小，但搵埋搵埋又唔係落自己袋。
咁到底男人點解要怕老婆先？
一個男人，出去返工，日日都對住咁多唔同人。上頭又係壓力，下屬做唔好自己工作又係壓力，出去對住班客都係壓力。有時覺得前途好似愈愈窄，呢一種無形壓逼感真係搞到個人唔係好透到氣，點解仲要我地去怕老婆，連做小小自己想做事都需要得老婆同意？
所以做男人真係壓力好大，唯一係放工之後，返到屋企先叫做可以放鬆下。
返到屋企，可以大字型咁坐度乜都唔使做，想食咩叫聲老婆就得，阿仔功課唔識又係老婆會搞掂，我唔想做，就乜都可以唔做……
但諗真，成個屋企如果個個人都好似我咁，唔想做就可以唔做，咁功夫邊個做？有一次我放工覺得好，訓梳化度時，我就係諗到呢個問題…
然後我起身望望我老婆，見到佢好似隻電兔咁屋企走來走去，做完呢樣又要搞第二樣，洗緊衫時又要教個仔做功課，衫都未摺完又要開始煮飯。我先醒覺到，其實男人點解要怕老婆。
一個管好你食管好你住，屋企要搞掂你生活大小事；出到去見朋友又要識得打扮，為唔好失禮你老婆。仲要係年中無休，一年三百六十五日二十四小時不斷為你生活加油老婆。
其實你要驚，都唔係驚佢個人：你要驚，只不過係驚冇佢之嘛。好多關係一旦接上，就要用心去經營。要兼顧已經唔單單係自己感受，而係將焦點寬廣咁去考慮埋，身邊所有人感受。
又唔記得介紹，我叫阿文，就係上面對話入面阿文。
薛可正 Facebook Fan Page
http://www.facebook.com/sithoching