男人的Fantasy （四十一）天台上的真愛
圖片來源：蘋果日報
前幾日起身，老友阿強第一時間喺WhatsApp send咗一條片俾我睇。我一睇，不得了，係一條「銅鑼灣烈日當空下天台少女為愛試食短片」。
食咩？匿到咁埋先食就梗係唔係食洪瑞珍啦，係要人講到咁白嘅，即係口交片呀。一名女士喺三十幾度高溫下，喺天台興致勃勃幫男友口交嘅野生紀錄片呀。
我諗大部份人第一眼睇條片嘅時候，都會同我有一樣反應：
「乜唔臭㗎咩？」
唔係特登講到咁核突呀大佬，咁人熱就有汗，有汗就自然會臭架啦，好正常架。我一路睇就一路掩住個鼻，搞到好似我自己幫人口交緊咁，搞到我不知幾咁肉緊。
條片入面仲有旁述，聽啲聲就肯定唔止一個，旁白有男有女咁喺度嘻嘻哈哈。其實你以為我唔知呀，佢哋呢啲咪又係葡萄心態。
葡萄，香港次文化底下嘅潮語，出自「吃不到的葡萄是酸的」，意思係指妒忌。
女人我就唔知，不過男人諗咩我就最明白。有邊個唔想遇上呢啲咁熱情奔放嘅女朋友？首先你要識到一個女朋友，而個女朋友又肯同你發生關係，再加上佢願意三十幾度陪你走上天台玩，最後更加要喺一個幾乎唔知道有冇人睇到〈其實已經睇到〉嘅地點下幫你進行口交。
個或然率有幾多大家自己計，即係話片中呢個事主嘅幸運程度已經接近中咗六合彩三獎，拍片嗰班男人又點會唔羨慕呀？仲有一樣就係拍片嗰位朋友應該係冇咩錢，因為喺我睇片途中，我發現自己有一個念頭，就係想個鏡頭可以近啲再近啲…
不過最後發現拍片人部電話應該係zoom唔到埋去，即係話，部電話先進極都有個譜。
而且最重要一點係，假設我推斷個男人喺呢個天氣下，身體真係會發出令人覺得難聞氣味嘅話，而呢個女士都仲肯咁做的話，除咗真愛，我搵唔到其他解釋。
可憐兩個真愛氾濫嘅情侶，情到濃時作出最親密交流時，竟然畀一班完全唔知真愛為何物嘅葡萄麻甩仔用電話拍低交流嘅片段，仲要放埋上網，真係叫佢哋情何以堪呢？
好希望當時人有機會見到我呢篇文章，因為我真係好想畀你地知道，一段真愛從來都會受盡風吹雨打。希望你哋堅強，快樂咁走落去，我會永遠支持你哋，特別係阿嫂呀，保重呀！
薛可正Facebook Page
http://www.facebook.com/sithoching