男人的Fantasy (一九二)如果多一次
網上資料圖片
十月一號 星期一 日 晴
「喂，思堯呀，芝達呀，星期五食飯？」
「星期五呀？答唔實你喎，再覆你好無？」
「好，隨時txt我。」
「好。」
十月一號 星期一 晚 雨
「又落雨，乜都做唔到。」
「嘩，芝達你仲未瞓？兩點喇喎。」
「係啦，未瞓。」
「我啱啱收工呀。」
「最近工作順利嗎？」
思堯因為洗澡，沒有再回覆，也沒有說道別。
十月三號 星期三 日 微雨
「星期五點呀，想食咩菜？」
「Hello芝達，喂忙緊，轉頭俾玩話你好無？」
「好呀，你先忙。」
十月三號 星期三 晚 有風
「思堯，我見你facebook啱啱post咗套戲好似幾好睇，你睇咗未？」
「睇咗喇，啱啱同個朋友睇咗，都唔錯呀。」
「係呀，我覺得個男主角幾型，呢套佢個造型好唔好？」
思堯因為收到老闆電話，沒有再回覆，也沒有說道別。
十月四日 星期四 下午 晴
「芝達hello。」
「喂，思堯。」
「上次見你睇過周杰倫演唱會，下年新年嗰個澳門tour有冇計？」
「我諗諗，盡做。」
「唔該哂，芝達，我女朋友好中意睇。」
「哈哈，我都知你忙拍拖啦衰仔，聽晚點呀？」
思堯趕著打電話給女朋友有可能買到周杰倫的演唱會門票，沒有再回覆，也沒有說道別。
十月五號 星期五 黃昏 暴雨
「思堯。」
「阿橋，點呀？」
「你知唔知芝達咩事？」
這時思堯才記起，芝達幾天前的邀約。
「芝達跳樓，受咗重傷，宜家送咗去醫院。」
「吓…………」
時間就停在思堯收到芝達出意外這消息的一秒。
我們都是芝達，我們都是思堯。
最近因為一些有關抑鬱的不快樂新聞，令到更多的人去留意抑鬱這個事兒。
有人會怪責社會幫忙太少，有人會怪責尋常的路人對這個病認識不夠。
現在這個世道，彷彿用一個問題去掩蓋另一個問題就可以解決所有。
我們都是芝達，我們都會懦弱地找每一個朋友，
希望在那不著邊際的情緒中找到一點點著地之處。
不知道在那一個點爆破，然後失控，然後沒有然後。
我們都是思堯，我們都會疏忽，我們都會不夠細心，
但我相信大部份人都有同理心，亦常懷同情心，
但畢竟生活太難，身邊的事太多，
親疏會有別，深淺會有因，
我們不一定會關心到身邊每一個人，
但我們都想他們每一個都安好。
想信思堯現在會想，如果可以的話，
我們就重來一次。
「喂，思堯呀，芝達呀，星期五食飯？」
「星期五呀，無問題，想食咩？直落飲嘢好無？」
願每一個都安好。
薛可正Facebook Page
http://www.facebook.com/sithoching