2019/04/11

親子旅行之小故事一則

話說早幾日,我同老婆同3歲阿女參加左幼稚園N 班既親子旅行@佐敦谷公園,發生左一則小故事。

題目: 別人的爸爸是偉人

=======================

到步點完名後,D小朋友就飛晒去兩個有遊樂設施既大公園個邊玩,而我女亦唔例外。

玩下玩下咁就去左45分鐘電,已經玩左6次小型攀石的阿女依然精神滿滿,難為父母已經累到隻積咁樣樣。

‘女呀,不如我地去飲啖水食粒提子先?’ 我弱弱地建議。

‘提子~~’ 阿女居然同意。

‘老婆咁我去拎個水樽同盒提子過黎啦。’ 滿心歡起既我以為終於可以hea 下。

‘唔好~我地一齊過去啦。’老婆心諗:想走剩我?

點解連想坐係張凳度玩陣手機既念都俾老婆洞悉左,點解~~~~

好啦好啦,一齊去啦。

去到長凳處,急不及待坐下,然後從背囊中交出提子及水樽給媽媽,跟住一副關人忍的姿態打開手機,用最短時間化身做夢戰修哥,然後做d 無聊日任。

可能知道爸爸已盡晒人事,仁慈既媽媽居然沒有抱怨,繼續陪女邊食提子邊玩韆鞦。老婆,多謝你呀~

突然,坐在我旁邊的另一位爸爸大喝一聲 ‘媽媽你睇住佢啦,又跑左去第度啦。’

但見佢個女好似識飛咁,話口未完已經飛左去隔離個遊樂設施度。

這位爸爸坐落個,指揮若定,意猶未盡,冇你咁好氣既語氣 ‘仲唔快d去追,一陣撞親d小朋友就麻煩。’

我心諗: 不得了,邊個爸爸咁勇敢做到我夢寐以求既職位 — 司令 ? 英雄既樣一定要記下,一定要gup下佢個英姿先!

一睇,果真好似再世發福版豬角亮咁款,5X 歲,200磅左右,個樣成個唐牛咁,擘大對脾,左手拎住把電風扇,右手指 X住個老婆然後再指住個女走緊個方向,然後背脊仲掛住條濕毛巾仔,呢個職位,真係where find~

話口未完,佢老婆(操著一口流利既半咸淡廣東話)反擊了 ‘你吳墟追? 淨係坐係哩度。’

我心諗,發福孔明今次冇計啦掛,仲唔快D 起身去追返你個寶貝女唔好俾其他同學撞?

怎料,我錯了,徹底的錯了,肥孔明居然好淡定咁回左一句,而呢一句,係埋藏左係我心底3年,每次都好想講,但每次都唔敢講既一句! 唐牛真係唐牛,果然係肥得好有道理~

‘我要看住D 野呀嘛~ ’

 ~完~

不求派like,但求共鳴~

mobile01-1708acd7fb64bf2c2d6c5eb2d6567f4d

COMMENT