2019/04/15

6個靚女坐埋一抬 = 可以滅世

話說今日一條冷去茶記食早餐,見到對面有6位靚女坐埋一齊細聲講大聲笑,都知道要今餐要開Open mode (其實係冇帶耳筒) ,玩下手機,10零分鍾食完就青蛙過河啦。

原來呢10零分鐘,6位靚女既植入式音波功,已經迫令小弟學到好多野。

各種理論及背後說人(現在即學即用) 既用詞,表達方式及圍爐間既想法,其程度已去到天馬行空,在下深表佩服!

食早餐既過程就好似去左貓仙人既時間屋咁,無限輪迴。

到終於食完啦,急忙拎起Will Smith 個碌閃光筆,去忘記時間屋內既各種植入式人生訓練,可惜,到現在,有一段爐邊對話,啪到支筆冇光冇電,都依然銘記心中~

來了:

各靚女講完某一人既是非後,其中一位偏瘦大眼靚女意猷未盡,突有感而發: ‘就好似有d 人咁,我懷疑佢地有後眼,知道你係後面行緊路,會特登打斜頂住你唔俾你過!’

眾美女紛紛點頭認同,然後大眼靚女好像得到會員們認可,眼睛睜得更大,變成超大眼靚女: ‘咁我咪專登行快D 去到條友前面然後同佢講: 喂你行路小心D 啦,唔帶眼既咩?’

終極謎思: 話人有後眼,然後話人唔帶眼。

maxresdefault

COMMENT