2015/09/16
《演唱會的後遺》
香港演唱會的主辦商，可否停止再派發用完即棄的Pong Pong棒呢？
為了製造那兩、三個小時的所謂氣氛，紅館一萬二千人，每人獲派兩支，即一晚有二萬四千支。容祖兒李克勤演唱會十二場，即製造了二十八萬八千支壽命只有幾個鐘，之後就送去堆填區一百年不會腐化的塑膠垃圾。
至少，你都安排個塑膠回收的機制吧？散場時，根本場內固有的垃圾箱明顯應付不到二萬幾支Pong Pong棒，所有Pong Pong塞滿垃圾箱，多到跌落地，箱內的又沾到汽水、食物等其他垃圾，點回收？（當然，香港的塑膠回收信唔信得過，又是另一個議題了。）一看就知，又是一個只求效果，卻一丁點沒想過怎樣善後，將問題留給社會的典型商業自私心態。
都係嗰句，錢是你的，但地球的資源與生態系統，卻是大家的，是下一代的，是地球的。你Pong Pong十二晚後，為地球帶來的負荷，要用幾多個十年先消化到？
在現場，靠他兩位的歌藝，及《月半小夜曲》、《痛愛》的前奏已經足以炒起個場，這些Pong Pong根本就是多餘的。十二晚，二十八萬八千支塑膠垃圾，以後李克勤再唱《花落誰家》講環保，我都只會想起這個情境。
今時今日，講環保都講咗幾十年，仲做埋啲咁低級的環境污染，人類幾時先肯醒？
圖：東星娛樂
陳詠燊@Sunnyhahaha
若喜歡這篇文章，請Share，謝謝。
fan page：http://www.facebook.com/SunnyhahahaChan
陳詠燊最新作品《不要成為 男人最想離開的那種女人》，各大書店熱賣中。
COMMENT