做人唔識睇人眉頭眼額，唔知對方係開心定嬲緊，真係幾易撞板。若你自問呢方面能力比較低的話，日後可以借助Google Glass嚟幫你，事關佢將會有套叫做SHORE嘅程式，識得分析同你講緊嘢個人情緒係點，提醒你講番啱聽嘅說話。

呢套程式由係歐洲應用科學機構Fraunhofer Institute開發，憑住分析對話者五官嘅特徵同變化，推測出佢嘅年齡、性別同情緒係點，包括發嬲、高興、傷心同驚訝。雖然只得四種情緒顯示，但已經係最緊要嗰啲，都夠捉到對方嘅反應。