建議咁樣打橫揸HUSKY HY2，轉身或手pan鏡，同埋舉高放低部手機都會順手啲。

低炒嘅時候，可以咁樣倒轉HUSKY HY2嚟揸。

兩個鉸位，就係內置摩打嘅兩軸。

使用前要先㩒着開關掣，否則HUSKY HY2會「軟奶奶」冇支撐力。

靠專用充電池去驅動摩打，500mAh至少夠拍足一整日。

手柄底部設有螺絲孔，有需要時可以再加腳架或其他工具進行拍攝。

手柄上高兩粒掣係用嚟調校手機傾前同仰後嘅角度。

傾前至最盡，低炒啱用。

仰後至最盡，高炒啱用。

裝咗喺腳架上面，或者拍攝角度刁鑽到唔方便㩒掣調校手機傾前同仰後角色嘅時候，就可以用遙控器代勞。

GoPro action cam或卡片DC都夾到，但機身重量唔可以超過210g。

隨機仲送多一個手機夾，當HUSKY HY2裝上GoPro之後，可以再喺另一邊裝埋呢個夾，夾多一部手機，透過Wi-Fi同app連接GoPro，作為Live View觀景器。不過呢個夾比較細，夾唔到iPhone 6 Plus咁大嘅手機。