PlayStation官方較早前已經宣佈，將會於明年年底推出全新主機PS5，呢個消息隨即令一眾機迷非常期待。不過即使係咁，PlayStation方面亦無莫視一眾PS4嘅玩家，並且繼續改良玩家們嘅遊戲體驗。而PlayStation最新就公佈，將會推出一個專為PS4手掣增加按鍵嘅附屬裝置 - Back Button Attachment，唔知大家又會唔會買黎試下用呢？

據PlayStation方面嘅介紹，呢個PS4手製全新配件Back Button Attachment，後面配備兩個可以隨個人喜好更改及高感應嘅按扭，令玩家可以更快速按制，縮短反應時間，提升玩家們嘅遊戲操作體驗，但同時又唔會影響你已經習慣嘅手感。

另外，背後按扭最多可以完成16個動作，例如O、△、R1、R2、L1、L2等等，並且可以保存及選擇多達三種不同嘅配置設定，適用於各種遊戲中。隨此之外，Back Button Attachment亦都包含耳機接口，支援各種3.5mm耳機。

不過今次呢個手掣配件只會暫時喺美國及加拿大推出，發售日期為1月23日，售價為29.99美元。