記得上個月同大家介紹過日本家電店「愛電王」同Eva合作嘅「家電補完計劃」嗎？最新就公佈咗計劃嘅第二彈，其中啲電腦配件似乎又靚又有用喎。

其實第二彈中仲有部「Mouse」推出嘅G-Tune EVA-01手提電腦，但相信冇咩人會特登為咗大大隻初號機喺面而換電腦，所以大家得個知字就算。但同Buffalo、ADATA等品牌合作嘅配件就唔同啦！例如Buffalo嘅外置DVD機 (7980Yen) 同外置HDD (12980Yen) 就採用初號機配色，SSD (14980Yen)就用上SEELE嘅黑石碑設計；ADATA亦都出咗USB手指 (1780Yen) 同SD卡 (1780Yen)，ELECOM就出咗隻無線滑鼠(2180Yen)，全部靚得黎個價錢亦相宜得多。5月15日開始接受預訂。