自動飛去救人！無人機的終極

文：MenClub Patrick　　圖：互聯網
POSTED ON 11 Feb 2015

除咗航拍，外國仲開始咗將小型無人機用喺送貨同其他方面，但呢啲都未算用盡無人機嘅好處！美國設計公司Argodesign，啱啱發‬表咗一個大型救護無人機idea，睇下面呢張預想圖，似足西片劇照咁喎，真係實現到就造福世人喇！

喺呢個概念入面，架救護無人機就好似放大咗嘅航拍直升機咁，由4隻螺旋槳去推動，機身就大約係一架私家車咁大，方便停喺城市入面，一着地就可以救人。機入面只夠位放一張擔架床，同頂多企到一、兩個救護員。而無人機梗係冇機師駕駛，全靠GPS系統自動導航飛行，往返醫院同意外現場，不過起飛、降落或者其他複雜動作，都仍然有得選擇以人手操控。若然呢架救護無人機真係誕生到嘅話，最大好處當然係趕去救人時唔會遇到塞車，或者可以直接飛去地震等災場，而唔使等人開路。其實以現今科技嘅發展，應該唔使幾多年就整到呢架機出嚟，我諗只係4隻螺旋槳可能會比預想圖大啲啫。