Leica M10自2017年推出以來，曾經出過多個不同「變奏版」，但大多數都只有2400萬像素，唯有提升到4000萬像素嘅，就係今年年頭出嘅M10 Monochrom。問題係雖然Leica黑白相係好靚，但6皮幾野買部返黎齋影黑白又未必係大家心水。所以，終於，Leica最新推出嘅M10-R，就有齊彩色CMOS同4000萬像素啦。

圖片：Leica

M10-R嘅影像規格基本上與M10 Monochrom相同，就係可以影彩色相咁解，但成部機黎睇你又唔可以話佢完全一樣，首先外型上就多返粒紅點先啦，而ISO感光度範圍就係100-50000，最長曝光時間亦增到16分鐘，換言之夜晚你想手持拍攝又得，落腳架玩長曝光又得。另外與M10-P同樣具備靜音快門，比起M10嘅快門運作時更細聲、震動亦更少，減少對拍攝嘅影響。

備有銀色及全黑機身，售價為HK$68,900。