受美國制裁影響，華為透露手頭上嘅電話CPU只夠用到下個月，黎緊嘅Mate 40亦可能係係最後一款採用Kirin 9000系列處理器嘅電話。

早前流出嘅華為Mate 40外型

圖片：GSMARENA

華為消費者業務執行長余承東於早前一個中國演講中透露，由於5月時美國加強對華為制裁，禁止所有使用美國境內科技嘅生產商向華為提供零部件及為其代工；而即使Kirin系列處理器係由華為自家設計，但生產過程就必須使用美國境內科技，所以生產商喺5月15日後就唔能夠再接華為訂單，最後一批貨於9月15日完工。另一邊廂，余承東亦承認華為無能力自己製作處理器，所以假若情況不變，9月發佈嘅Mate 40就會係最後一批使用自家Kirin處理器嘅手機。