三個月前先由Disney轉投TikTok嘅CEO Kevin Mayer今日向員工發表公開信，表示會辭去TikTok CEO嘅職位。

圖片：CNBC

據媒體報導，Kevin Mayer於公開信中指明離職原因為「過去數星期內政治環境的急速變化，我對企業結構改變所需，以及對本人角色的影響有重大反思。在這個背景下，加上預期很快就會得到解決方法，我懷著沉重的心情告知你們，我將會離職。」

公開信嘅後半部強調佢離職與公司冇關，亦表示對公司前景充滿信心，最後亦表示絕大部份員工嘅工作都唔會有變。而TikTok於回應《Variety》亦表明「過去數月嘅政治變化，大大地改變了Kevin未來的角色」，並表示尊重其離職嘅決定。

Kevin Mayer於今年五月加入「字節跳動」，成為TikTok CEO。而在此之前，他於迪士尼工作超過15年，曾主導迪士尼對Pixar、Marvel、Lucasfilm及20th Century Fox嘅收購。而佢轉任TikTok CEO後不久，TikTok就面臨美國總統特朗普嘅行政禁令。