細個有睇過《伊波拉病毒》呢套戲嘅，應該都對呢種病毒抱有驚恐之心，而實際上嘅伊波拉病毒雖然唔會令你發癲，但亦的確係一種致死率極高、兼且冇安全可靠嘅治療藥物或疫苗嘅瘟疫——但美國食品藥品監督管理局 (FDA) 近日就終於認證咗首隻治療伊波拉病毒嘅藥。

呢隻藥名為「Inmazeb」，係由美國「Regeneron (再生元製藥)」所製，當中結合三種抗生素以阻擋伊波拉病毒。Inmazeb曾於2018-19年，剛果伊波拉病毒大爆發時進行臨床實驗 (此方法被稱為PALM試驗)，亦係首次有藥物於病情實際爆發期間進行臨床實驗。從結果黎睇呢個方法證明係可行嘅。

目前Regeneron亦有研究肺炎藥物，而目前其中一種處於試驗階段的肺炎藥物「Remdesivir (瑞德西韋)」亦被FDA批准作緊急使用，換言之正使用「PALM試驗法」的變化版作臨床試驗。