歐冠盃即將重開啦！球迷們興唔興奮先? 而作為多項足球賽事嘅大會指定計時，HUBLOT宣佈推出Big Bang e 歐冠盃腕表 (Big Bang e UEFA Champions League)，以及同時推出「HUBLOT Loves Football UEFA Champions League」應用程式，希望球迷們可以繼續享受足球嘅樂趣。

今次HUBLOT推出嘅歐冠盃腕 表，限量發行500枚，其陶瓷表殼以及橡膠表帶均選用歐冠盃藍色主色，表盤同時有多款選擇，用家可於HUBLOT Store下載，等你可以配合自己愛隊嘅用色，增加投入感。

而與腕表一同推出嘅「HUBLOT Loves Football UEFA Champions League」應用程式，用家可於臨開賽15分鐘收到通知，以及實時得知入球、罰球、換人、黃牌及紅牌、加時等資訊，而球隊陣容，甚至VAR裁判亦可全數收到通知。如果同時有兩場賽事舉行，用家可運用輕觸式屏幕，輕鬆切換畫面，實時知道兩場賽事嘅資訊。

當然呢隻腕表絕對唔平，盛惠港幣$47,700，不過無他嘅只係限量發行500隻，就算你有錢都真係未必可以搶得到架！