早兩年加密貨幣 (cryptocurrency)曾經成為城中熱話，我亦曾經聽聞過有人獲利不少，但雖則個名有「貨幣」兩個字，相信絕大部份人都只當佢係投資工具，畢竟你都唔知可以用佢黎做咩？但隨住Paypal最新公佈嘅措施，加密貨幣有望走入主流，成為日常交易工具之一。

據Paypal於昨日發佈嘅公告，平台將會於未來數週內於Paypal電子銀包中，直接容許美國用家買賣及儲存Bitcoin、Ethereum、Bitcoin Cash及Litecoin，而Paypal旗下分公司Venmo亦於2021年上半年，向「指定國際市場」提供同類服務。同時由於Paypal需要符合紐約財政服務部嘅牌照指引 (Paypal話呢個牌目前得佢有)，所以要向用家介紹投資加密貨幣嘅生態、風險及機遇。

不過，目前Paypal只容許大家使用「透過Paypal買嘅加密貸幣」，換言之如果你於其他平台中有加密貨幣存貨，都冇辦法直接過數去Paypal再拎黎用。