幫手機叉電大家每日都會做，但有時打緊機又無電，要插住條線邊叉邊打又撠著曬就真係幾煩。今日小米CEO雷軍喺微博上展示小米最新「隔空叉電」技術，唔係需要放係叉電板嘅無線叉電，而係真正意義上嘅「隔空叉電」。

雷軍喺尋晚已經出Post賣關子。（圖片：微博@雷軍）

按照官方講法，小米自主研發「充電樁」，內置相5個相位干擾天線，可以精準快速定位及探測手機位置，再由144支天線構成相位控制陣列，將能量透過毫米波形式定向發射畀手機，手機透過天線接收，實現「數米」內啟動5W隔空叉電，並且可以同時充多部電話、邊行邊叉，就算有異物阻擋照樣叉到。雖然佢無exactly講明有效範圍係幾米內，但如果參考示範影片，應該約一個客廳範圍左右。

小米聲稱自己有17項相關技術專利，將來會將技術應用到其他智慧穿戴裝置、喇叭、台橙等智能家居產品，徹底解決電線束縛。