近期最火熱嘅社交平台絕對非聊天App Clubhouse莫屬，當然中國又點會需要呢啲外國App，要就要中國嘅版本。

而中國最強嘅能力，就係將別人嘅嘢轉化為更好嘅嘢，Clubhouse當然唔例外，多間中家軟件商就全力將Clubhouse改頭換面，變成更好嘅App比中國同胞使用，部份不思進取嘅軟件商只係完全複製Clubhouse嘅功能甚至介面，有部份就好啲將Clubhouse介面變得更適合各大同胞使用。

而抖音母公司字節跳動亦有意將Clubhouse呢個App嘅概念轉化得更好，從而讓同胞有更好嘅體驗；另一邊廂嘅小米據聞已經好快手推出少修少補下嘅中國式Clubhouse - 米聊，據指呢款App本身就存在，只係無乜人用，如今比Clubhouse更好嘅Clubhouse 2.0 - 米聊，一定會因此而更多人使用。