相比起新淨到反光嘅相機，唔少攝影發燒友更愛有歲月痕跡嘅相機，咁先能夠彰顯出機身嘅歷練同魅力，有人仲會特登將機身油漆磨走，但求模仿出「露銅」效果。最近Leica就滿足用家喜好推出「M10-R 黑漆版 」，機身上富有光澤嘅黑色油塗，會隨住使用及時間推移而剝落，逐漸露出獨一無異嘅黃銅痕跡。呢款主打低調內斂嘅新機，亦去除標誌性嘅Leica紅色Logo，改以頂蓋手寫體刻字Logo代替。

「M10-R 黑漆版 」技術規格同標準版「M10-R」一樣，身機搭載4000萬像素CMOS，最大可拍攝出7864x5200像素照片，ISO範圍為100-50000，B快門支持長達16分鐘曝光時間，令用家可以捕捉星軌、運動模糊等照片。雖然就冇咗標誌性嘅「汽水蓋」Logo，但機身頂蓋就刻有Leica手寫Logo以及「Ernst Leitz Wetzlar Germany」字樣。

Leica M10-R 黑漆版建議售價為9,295美元（約$72,140港幣）。