Apple最新嘅手機iPhone 13系列已經登場，雖然變化特點唔算同上一代有極大分別，但質量依舊保持一貫出色，特別係拍攝能力憑住鏡頭及軟體嘅完美配合，令用家輕鬆可以拍攝電影級別嘅影片。

而人氣導演Mike導近日就率先自肥，拍攝出香港第一條iPhone 13 Pro Max短片《I’M SORRY》，內容以PA角色Sunny通過「不停做錯事」，講述Mike導自己如何成為導演，重點係「錯誤使我們變得強大」！

今次Mike導以嘅iPhone 13系列嘅新功能「電影效果」Cinematic Mode及其他模式，拍出一條時間1分30秒嘅勵志短片，講述自己點樣由入行時身處「金字塔最底層」，然後成功領悟「努力從自己的錯誤學習」，慢慢黎到今日的位置。而另一角色Sunny，其實就代表著任何界別入面正默默努力嘅任何一個人。

相信有睇開Mike導作品嘅朋友，除左鍾意佢夠癲之外，當然就係其拍攝手法都非常Raw，令觀眾嘅現場感大增，因此手機嘅Handheld效果非常符合佢嘅拍攝要求。而今次呢條短片，雖然只有1分半鐘，但認真拍攝嘅佢都花上幾日時間，而Mike導對於今次iPhone新功能非常滿意，認為佢係可以讓用家最容易拍攝出專業級「景深過場」及具有電影感嘅裝置。

Mike導亦唔否認未來絕對有機會直接用手機拍攝綜藝節目，手機主鏡頭可能會成為主流製作模式。