Apple近日最新嘅發佈會中，公佈推出多項新產品，其中就包括唔少人期待嘅最新一代AirPods - AirPods 3。

今次推出嘅全新嘅 AirPods，一眼望落去外型上耳筒柄比上一代AirPods 2為短，感覺上同AirPods Pro更似，但係與AirPods Pro嘅全入耳式並不同，AirPods 3係半入耳式的，而設計上則比AirPods 2更貼耳，用家將會感到更舒適嘅使用感。

而 AirPods 3 今次結合Apple嘅 H1 晶片強大嘅功能，以及 Apple 設計嘅聲學系統，採用運算音訊技術，透過適應性 EQ，令音色變得更無懈可擊。

全新 AirPods 同時備有動態頭部追蹤功能，用家將可在支援杜比全景聲嘅 Apple Music 音樂以及各類型電影或電視節目中，享受空間音訊帶比你嘅室內體驗。

唔單止咁，全新皮膚感應器將可以準確辨別出 AirPods 究竟係配戴喺耳上，定係放左入袋或桌上。只要當你將耳筒拎落黎，音訊就會暫停播放，絕對係更加方便用家。

另外， AirPods 3 將抗汗及防濺耐水，防護等級達到 IPX4 ，同時配備力度感應器，讓控制音樂及通話時更簡易直接。電池方面，聆聽時間將長達6小時(比AirPods Pro長1.5小時)，如配合叉電盒嘅話將總聆聽時間將可長達30小時。

不過由於始終唔係Pro級別，所以AirPods 3並無主動消噪功能及通透模式，有興趣嘅朋友就要留意啦，當然價錢上係比Pro平少少啦。