Samsung昨晚舉行今年第二場Unpacked發布會，正式推出第四代摺機手機Galaxy Z Fold 4及Galaxy Z Flip4，外型驟眼睇就同上代非常相似，但實際上又有咩分別？

Samsung Galaxy Z Fold 4 （售價：1799.99美元起）

今次推出嘅Galaxy Z Fold 4同樣配備7.6吋可摺疊屏幕以及6.2吋外屏幕，但邊框就比上代更窄令屏螢變得更為寬闊，讓用戶單手控作時更加輕鬆，而機身重量亦從271g減至263g，成為歷代Galaxy摺機最輕巧嘅型號。

至於其他規格方面，Fold 4處理器升級至Qualcomm Snapdragon 8+ Gen 1，提升手機速度同時降低電力消耗，從使電池容量依舊為4,400mAh，相信續航力亦會有所提升。主鏡頭組則配備5,000萬像素主攝鏡+1,200萬像超廣角鏡+1,000 萬像素3倍光學變焦遠攝鏡(支持30陪數碼變焦)，能夠捕捉更多令人驚豔嘅照片及影片，而幕下鏡頭就依舊維持400萬像素。

Samsung Galaxy Z Flip4（售價：999.99美元起）

迷你輕巧摺機Galaxy Z Flip4同樣配備6.7吋可摺疊屏幕以及1.9吋迷你副屏幕，屏邊框比上代更窄、鉸位部分更纖薄，共有Bora紫、石墨黑、杏桃粉和冰川藍四款顏色選擇。最大變更就係今次嘅副屏幕加入更多功能，例如開關Wi-Fi、藍牙、流動數據，甚至睇信息、語音輸入回覆等等，令用家操作更方便，唔使下下都打開屏幕。

至於規格方面，處理器升級至Qualcomm Snapdragon 8+ Gen 1，電池容量從上代3,300mAh稍為增加至3,700mAh，其他則同上代大致相同。值得一提嘅係，主鏡頭雖然依舊係1,200萬像素主攝鏡+1,200萬像素超廣角鏡，但廣角鏡頭就配備更大感光元件，感光力比上代提升65%，擁有更出色嘅夜攝能力。