數數手指，Sony真無線耳機WF-1000XM4已推出將近2年，如無意外後續型號WF-1000XM5將於未來數月問世。最近網上就流出多張XM5實機照片，可見新一代機身體積更小巧，設計上亦更符合人體工學。

最近外媒Walkman Blog取得一批「WF-1000XM5」實機照，可以見到耳機本體比上一代更小巧貼耳，能夠符合更多用家耳型。而充電盒依舊採用霧面磨砂材質，不過睇落體積更細小，充電接觸點由3點改成2點式，底部則印有5V 230mAh字樣（XM4係5V 140mAh），相信續航時間會比上代有所提升。

目前Sony尚未公布WF-1000XM5推出日期，但考慮到WF-1000X系列每兩年就換一代，而每代都大約喺6-8月發布，預計XM5將於今年夏季正式問世。