近日中國家電品牌Roborock在CES 2025前率先發布一款新掃地機械人Saros Z70，其最大特色在於機身內建一條摺疊式機械臂，能在清潔期間主動辨識及移除地板上嘅小雜物，例如用過嘅紙巾、襪、拖鞋等等。

據官方介紹，Saros Z70機身上方內建一款別為「OmniGrip」嘅五軸機械臂，能舉起重量不多於300克嘅物件，並移動到指定地方放低。在多輪清潔過程中，Saros Z70首先會透過內置攝像頭及多個感應器判斷物品位置及重量，然後在第二輪清潔時伸出機械臂將物品移到已清潔嘅地區，接著再打掃剛才被物件遮擋嘅區域，除此之外，用家亦可以自定物品所存放嘅地點。

雖然從示範影片可見機械臂移動速度有點緩慢，自己行過去執肯得仲快(前提係你喺屋企)，但確實為掃地機械人領域帶嚟全新發展方向，或者未來會進一步升級機械臂移動速度及承重能力？目前Roborock掃地機械人Saros Z70尚未公布定價，預計最快在今年6月發售。