為吸引更多人訂閱Premium服務，最近YouTube在香港推出全新雙人訂閱計劃，為用戶提供「個人」及「家庭」計劃以外嘅選擇，啱晒情侶使用？

YouTube發言人Alex McQuiston表示，為咗向用戶提供更具彈性及價值嘅訂閱方式，YouTube正在印度、法國、台灣與香港等地測試全新雙人訂閱方案，讓兩位使用者能以較低嘅價錢訂閱服務，享用無廣告觀看影片、YouTube Music、離線播放及背景播放功能。

以香港為例，Premium雙人計劃月費為HK$128，而家庭計劃月費則為HK$208（最多6人一組），如果嫌麻煩或者唔想搵人「湊人頭」組家庭Plan，咁雙人計劃就非常適合情侶及人數較少嘅家庭使用。