講咗好多年嘅Spotify無損音質服務終於正式登場喇！已訂閱Spotify Premium嘅用戶無須額外加錢，就能享受高達24bit 44.1kHz FLAC格式無損音樂串流。不過，目前該服務只在等主要市場率先推出，並預計在10月擴展到更多國家及地區，香港用戶可能要再等多一陣。

Spotify早於2021年就宣布會喺「今年稍後」推出HiFi無損串流服務，結果一直拖到而家先真正落地，但遲到總好過無到。由即日起，Spotify Premium用戶可以透過行動裝置、電腦以及支援Spotify Connect嘅裝置，聆聽音質高達24-bit/44.1kHz嘅FLAC格式無損音訊，感受到音樂中更多細節同層次感。（當然，聽歌嘅設備質素都非常重要）

目前Spotify無損音質服務已在澳洲、奧地利、捷克、丹麥、德國、日本、紐西蘭、荷蘭、葡萄牙、瑞典、美國及英國率先推出，並於10月逐步擴展至50多個國家及地區，或者到時候香港先會有份。

資料來源：spotify