雖然話坊間有傳黎緊嘅10月發佈會中，Apple會推出配有新頭帶嘅Vision Pro，似乎代表佢哋仲未放棄呢款雷聲大雨點小嘅新產品。但近日《Bloomberg》報導亦指Apple內部已經全面暫停Vision Pro嘅相關開發，將資源轉向智能眼鏡開發當中，與Meta嘅Meta Ray-Ban爭一日之長短。

圖片：Apple

據報Apple推出Vision Pro之後，本來正在開發其後續型號Vision Pro 2，同時亦開發緊一部輕40%、便宜50%嘅Vision Air。不過近日先後有報導指出呢兩個機款都已經暫停開發，換言之Apple已經放棄整個「頭戴式裝置」市場。而Apple之所有呢個選擇，似乎係因應Meta早前推出有鏡片內螢幕嘅新Meta Ray-Ban反應良好，顯示「智能眼鏡」比起「頭戴式裝置」更有潛力。

圖片：Meta

而近日《Bloomberg》記者Mark Gurman亦進一步爆料。佢指Apple目前開發緊嘅智能眼鏡可能會有兩種使用介面，一種繼承指Vision Pro用緊嘅Vision OS，將會於連接Mac機時使用。而當連接iPhone使用時，就會改用一個更輕盈、更適合手機用戶使用嘅介面。亦算係證明Apple智能眼鏡本體嘅運算能力有限，將要搭配Mac或iPhone使用。

Mark Gurman早前亦指，Apple最快可能於明年初公佈智能眼鏡，但可能要到2027年先會正式上市。據知首代Apple智能眼鏡唔會有鏡片內螢幕，可以播歌、影片拍片，以及透過語音指令操作。可能亦會有健康偵測嘅功能。

資料來源：MacRumors