唔好用力狂捏乳頭
男士都知道女性乳頭係敏感部位，但你都叫得敏感部位就請溫柔對待，唔好起勢咁大大力又扭又捏，乳頭都係肉，仲係好嫩嘅肉，其實唔需要大力整佢，輕輕力錫下摸下已經好有快感。當然，如果你另一半係M，鍾意痛痛地先覺得有Feel就另計啦。

床上唔好太禽獸
更溫柔嘅男人一上到床上都會有獸性嘅一面，但唔好以為自己成隻禽獸咁對方會覺得你好Man，有時獸性大發個樣唔單只會嚇親另一半，覺得你好陌生，對你感到害怕，而且太粗暴嘅動作仲好易整傷另一半。

唔好忽視個人衛生
情到濃時好多野都難以顧及，但點都好，都要理理個人衛生，特別係汗味、口氣等等，真係會令對方聞到就熄晒火。另外唔少人都鍾意啪啪啪前飲返杯，覺得好Feel啲，但切勿飲太多搞到成身酒味，一樣令女性覺得倒胃口架。

唔好用乾裂嘴唇錫全身
相對於女性，男性較少注重自己嘴唇，就算乾到甩晒皮都由得佢，平日都算啦，但到前戲時就要注意一下，因為女性皮膚都較幼嫩，特別係私處位置，如果你個唇好Dry又要係咁攻擊佢敏感部位，其實係相當唔舒服嘅事。

前戲唔好太短
好多男士都好心急想入戲肉，但基本上女性需要20分鐘左右前戲先至Ready，如果前戲做唔夠，之後好多嘢都好難Enjoy落去。

唔好次次前戲都一樣
如果次次前戲都一樣，會令女性身體感官麻木，變得冇咁易興奮，甚至冇性趣感到沉悶。為咗增加性愛樂趣，都需要變一變前戲花款。