{ SKIP }
文:MenClub 魏文青  
POSTED ON 28 Oct 2018
做愛除咗「爽」之外,其實仲有好多實際好處,例如可以增長與伴侶嘅感情瞓得好啲提升工作表現,仲有增強抵抗力、減壓、防癌等妙用,真係有病醫病冇病就強身,而最新嘅研究又再為做愛搵多一個功用,就係減低患上心臟病嘅機會!
根據一個2010年發表嘅研究,追縱1165名年齡介乎40-70歲嘅男性,於過去平均16年嘅性生活以及患上心臟疾病嘅數據得出嘅結果,發現做得愛多嘅男士患上心臟疾病嘅機率會大幅降低。研究指每星期做愛2-3次或更多嘅受訪者,患上心臟疾病嘅機會比起一個月做一次或更少嘅人低45%,而且由於研究有同時收集受訪者嘅吸煙習慣、血壓、體重等等數據,所以可以準確地分辨出做愛次數嘅影響,證明做愛次數與患上心臟疾病嘅機會之間存在住獨特嘅關係。
咁究竟點解做得愛多就唔會患上心臟疾病呢?根據Dr. Lehmiller指,有部份原因可能係因為做得愛多嘅人本身身體就比較健康(先有體力、意慾一星期做幾次),咁身體健康患上心臟疾病嘅機會自然就小。但另一個原因就係做愛始終係一種「運動」,能夠燃燒卡路里(雖然唔多),做得愛多就代表每星期至少有一定「運動」,從而保持身體健康。另外亦有研究指每日做愛會增加腦內海馬體(Hippocampus)內神經元嘅形成,有助減輕焦慮感;另一研究亦指做愛後血壓會降低。以上種種都係減低患上心臟疾病嘅原因。
根據世界衛生組織於5月公佈嘅數字,冠狀動脈血管疾病—— 最常見嘅心血管疾病——乃係全球最大殺手,2016年有超過900萬人死於此病。若然你唔想不幸地成為其中一份子,咁就記住要勤力做愛!做多啲!做密啲!知道未?
作為男人,相信大家都對「巨乳」呢個詞不陌生、甚至仲相當有研究。但你又有冇思考過究竟要咩大小先可以叫做「巨」?又有冇諗過原來有所謂「巨乳通漲」嘅問題?近日一名日本同人繪師就於X(Twitter)上發文抱怨,引起 ...
thezone
【趣聞】怎樣才算「巨」? 日本同人繪師談二次元界「巨乳通漲」
08 Oct 2024
一個女仔如果擁有豐滿嘅好身材,除非佢刻意隱藏,否則理論上係好難「睇唔出」畢竟叫得好身材都一定有返咁上下Size,有返咁上下Size就即係容易睇到嘛!但今晚要介紹嘅呢位「そよん(Soyon)」,雖然已經出道多年,但 ...
girls
【深夜】睇唔出的好身材 日本長大韓國美女「そよん(Soyon)」
07 Oct 2024